हम को छेड़ा तो मचल जाएँगे अरमाँ की तरह
हम परेशाँ हैं तिरी ज़ुल्फ़-ए-परेशाँ की तरह
हर गली आई नज़र कूचा-ए-जानाँ की तरह
हम को दुनिया ये लगी शहर-ए-निगाराँ की तरह
कम न होगी ये ख़लिश दिल की किसी भी सूरत
दिल में सौ ग़म हैं मकीं ख़ार-ए-मुग़ीलाँ की तरह
लोग रुक रुक के चले जानिब-ए-मंज़िल लेकिन
हम रहे गर्म-ए-सफ़र गर्दिश-ए-दौराँ की तरह
अब तो हर शख़्स पे होता है गुमाँ क़ातिल का
कोई मिलता ही नहीं आदमी इंसाँ की तरह
हम ने बख़्शे हैं अंधेरों को उजाले लेकिन
हम ही बे-नूर रहे गोर-ए-ग़रीबाँ की तरह
हम 'कँवल' आप में रहते हैं मगर उस से अलग
हम तो गुलशन में भी रहते हैं बयाबाँ की तरह
ham ko chheḌā to machal jā.eñge armāñ kī tarah
ham pareshāñ haiñ tirī zulf-e-pareshāñ kī tarah
har galī aa.ī nazar kūcha-e-jānāñ kī tarah
ham ko duniyā ye lagī shahr-e-nigārāñ kī tarah
kam na hogī ye ḳhalish dil kī kisī bhī sūrat
dil meñ sau ġham haiñ makīñ ḳhār-e-muġhīlāñ kī tarah
log ruk ruk ke chale jānib-e-manzil lekin
ham rahe garm-e-safar gardish-e-daurāñ kī tarah
ab to har shaḳhs pe hotā hai gumāñ qātil kā
koī miltā hī nahīñ aadmī insāñ kī tarah
ham ne baḳhshe haiñ añdheroñ ko ujāle lekin
ham hī be-nūr rahe gor-e-ġharībāñ kī tarah
ham 'kañval' aap meñ rahte haiñ magar us se alag
ham to gulshan meñ bhī rahte haiñ bayābāñ kī tarah
ہم کو چھیڑا تو مچل جائیں گے ارماں کی طرح
ہم پریشاں ہیں تری زلف پریشاں کی طرح
ہر گلی آئی نظر کوچۂ جاناں کی طرح
ہم کو دنیا یہ لگی شہر نگاراں کی طرح
کم نہ ہوگی یہ خلش دل کی کسی بھی صورت
دل میں سو غم ہیں مکیں خار مغیلاں کی طرح
لوگ رک رک کے چلے جانب منزل لیکن
ہم رہے گرم سفر گردش دوراں کی طرح
اب تو ہر شخص پہ ہوتا ہے گماں قاتل کا
کوئی ملتا ہی نہیں آدمی انساں کی طرح
ہم نے بخشے ہیں اندھیروں کو اجالے لیکن
ہم ہی بے نور رہے گور غریباں کی طرح
ہم کنولؔ آپ میں رہتے ہیں مگر اس سے الگ
ہم تو گلشن میں بھی رہتے ہیں بیاباں کی طرح