आँखों से हो के दिल में वो सूरत उतर गई
मुमकिन न थी जो बात वही बात कर गई
क्या जाने क्या वो ग़म था जो हर दिल को छू गया
जो आँख भी गई तिरी महफ़िल से तर गई
मेरा ही आशियाँ था गिरीं जिस पे बिजलियाँ
मेरी ही ख़ाक थी जो हवा में बिखर गई
टिकती न थी किसी पे ज़माने में आज तक
देखा तुम्हें तो फिर न किसी पर नज़र गई
जाते हुए जहाँ से यही सोचते हैं लोग
हाए वो ज़िंदगी वो जवानी किधर गई
दामन छुड़ा के आप चले तो गए मगर
हम क्या कहें जो दिल पे हमारे गुज़र गई
रोए शब-ए-फ़िराक़ हम इतना कि ऐ 'कँवल'
दामन निचोड़ती हुई अपना सहर गई
āñkhoñ se ho ke dil meñ vo sūrat utar ga.ī
mumkin na thī jo baat vahī baat kar ga.ī
kyā jaane kyā vo ġham thā jo har dil ko chhū gayā
jo aañkh bhī ga.ī tirī mahfil se tar ga.ī
merā hī āshiyāñ thā girīñ jis pe bijliyāñ
merī hī ḳhaak thī jo havā meñ bikhar ga.ī
Tiktī na thī kisī pe zamāne meñ aaj tak
dekhā tumheñ to phir na kisī par nazar ga.ī
jaate hue jahāñ se yahī sochte haiñ log
haa.e vo zindagī vo javānī kidhar ga.ī
dāman chhuḌā ke aap chale to ga.e magar
ham kyā kaheñ jo dil pe hamāre guzar ga.ī
ro.e shab-e-firāq ham itnā ki ai 'kañval'
dāman nichoḌtī huī apnā sahar ga.ī
آنکھوں سے ہو کے دل میں وہ صورت اتر گئی
ممکن نہ تھی جو بات وہی بات کر گئی
کیا جانے کیا وہ غم تھا جو ہر دل کو چھو گیا
جو آنکھ بھی گئی تری محفل سے تر گئی
میرا ہی آشیاں تھا گریں جس پہ بجلیاں
میری ہی خاک تھی جو ہوا میں بکھر گئی
ٹکتی نہ تھی کسی پہ زمانے میں آج تک
دیکھا تمہیں تو پھر نہ کسی پر نظر گئی
جاتے ہوئے جہاں سے یہی سوچتے ہیں لوگ
ہائے وہ زندگی وہ جوانی کدھر گئی
دامن چھڑا کے آپ چلے تو گئے مگر
ہم کیا کہیں جو دل پہ ہمارے گزر گئی
روئے شب فراق ہم اتنا کہ اے کنولؔ
دامن نچوڑتی ہوئی اپنا سحر گئی