आँखों से कोई मेरे कहीं ख़्वाब ले गया
या'नी तमाम हल्क़ा-ए-अहबाब ले गया
छेड़ा ही था सितार पे इक नग़्मा-ए-हयात
हाथों से वक़्त छीन के मिज़राब ले गया
आँसू की एक बूँद कलेजा निगल गई
पत्थर को एक क़तरा-ए-सीमाब ले गया
दिल की किताब लूटने वाला भी ख़ूब था
दिलचस्प जो था सब से वही बाब ले गया
जल-बुझ के रह गया है हर इक याद का चराग़
चुन चुन के वक़्त गौहर-ए-नायाब ले गया
हर गाम पर लगी थी यहाँ रहज़नों की भीड़
जिस के लगा जो हाथ वो अस्बाब ले गया
क़ातिल के रूप में वो कशिश थी कि ऐ 'कँवल'
मक़्तल में मुझ को फिर दिल-ए-बे-ताब ले गया
āñkhoñ se koī mere kahīñ ḳhvāb le gayā
yā'nī tamām halqa-e-ahbāb le gayā
chheḌā hī thā sitār pe ik naġhma-e-hayāt
hāthoñ se vaqt chhīn ke mizrāb le gayā
aañsū kī ek buuñd kaleja nigal ga.ī
patthar ko ek qatra-e-sīmāb le gayā
dil kī kitāb lūTne vaalā bhī ḳhuub thā
dilchasp jo thā sab se vahī baab le gayā
jal-bujh ke rah gayā hai har ik yaad kā charāġh
chun chun ke vaqt gauhar-e-nāyāb le gayā
har gaam par lagī thī yahāñ rahzanoñ kī bhiiḌ
jis ke lagā jo haath vo asbāb le gayā
qātil ke ruup meñ vo kashish thī ki ai 'kañval'
maqtal meñ mujh ko phir dil-e-be-tāb le gayā
آنکھوں سے کوئی میرے کہیں خواب لے گیا
یعنی تمام حلقۂ احباب لے گیا
چھیڑا ہی تھا ستار پہ اک نغمۂ حیات
ہاتھوں سے وقت چھین کے مضراب لے گیا
آنسو کی ایک بوند کلیجہ نگل گئی
پتھر کو ایک قطرۂ سیماب لے گیا
دل کی کتاب لوٹنے والا بھی خوب تھا
دلچسپ جو تھا سب سے وہی باب لے گیا
جل بجھ کے رہ گیا ہے ہر اک یاد کا چراغ
چن چن کے وقت گوہر نایاب لے گیا
ہر گام پر لگی تھی یہاں رہزنوں کی بھیڑ
جس کے لگا جو ہاتھ وہ اسباب لے گیا
قاتل کے روپ میں وہ کشش تھی کہ اے کنولؔ
مقتل میں مجھ کو پھر دل بے تاب لے گیا