हम कि मजनूँ को दुआ कहते हैं
रू-ए-लैला को सबा कहते हैं
कितनी अफ़्सुर्दा है ये शाम-ए-बहार
जिस को हम ताज़ा हवा कहते हैं
अपनी आँखों में न जाने कब का
ख़्वाब है जिस को ख़ुदा कहते हैं
फूल में उस का लहू बहता है
चाँद को उस की क़बा कहते हैं
उन्ही ख़ूबाँ की हथेली पे रहो
इस लिए तुम को हिना कहते हैं
हम वो पाबंद-ए-वफ़ा हैं कि तुझे
अब भी बे-मेहर-ओ-वफ़ा कहते हैं
शेर कहते हैं ग़ज़ल के या'नी
ख़्वाब को ख़्वाब-नुमा कहते हैं
ham ki majnūñ ko duā kahte haiñ
rū-e-lailā ko sabā kahte haiñ
kitnī afsurda hai ye shām-e-bahār
jis ko ham taaza havā kahte haiñ
apnī āñkhoñ meñ na jaane kab kā
ḳhvāb hai jis ko ḳhudā kahte haiñ
phuul meñ us kā lahū bahtā hai
chāñd ko us kī qabā kahte haiñ
unhī ḳhūbāñ kī hathelī pe raho
is liye tum ko hinā kahte haiñ
ham vo pāband-e-vafā haiñ ki tujhe
ab bhī be-mehr-o-vafā kahte haiñ
sher kahte haiñ ġhazal ke ya.anī
ḳhvāb ko ḳhvāb-numā kahte haiñ
ہم کہ مجنوں کو دعا کہتے ہیں
روئے لیلیٰ کو صبا کہتے ہیں
کتنی افسردہ ہے یہ شام بہار
جس کو ہم تازہ ہوا کہتے ہیں
اپنی آنکھوں میں نہ جانے کب کا
خواب ہے جس کو خدا کہتے ہیں
پھول میں اس کا لہو بہتا ہے
چاند کو اس کی قبا کہتے ہیں
انہی خوباں کی ہتھیلی پہ رہو
اس لئے تم کو حنا کہتے ہیں
ہم وہ پابند وفا ہیں کہ تجھے
اب بھی بے مہر و وفا کہتے ہیں
شعر کہتے ہیں غزل کے یعنی
خواب کو خواب نما کہتے ہیں