है मज़ाक़-ए-ज़िंदा-दिली यही इसी मस्लहत ने मज़ा दिया
न जुदा हो दिल से कसक कभी वो मिज़ाज-ए-दर्द बना दिया
मैं अभी कहाँ था दिल-ए-हज़ीं जो खुली है आँख तो कुछ नहीं
मिरा फ़र्श-ए-ख़ाक तो है वहीं मुझे अर्श-ए-ख़्वाब ने क्या दिया
कोई हक़ था जिस का गिला करूँ कोई तुम से कहने की बात है
कि हँसी ख़ुशी के सुलूक का जो रिवाज था वो उठा दिया
मिरे दर्द-ए-दिल की किसे ख़बर कि ग़रीब-ए-दिल का पयाम्बर
वही रंग-ए-रुख़ था किसी क़दर जो हँसी में सब ने उड़ा दिया
है मुग़ालता भी अजीब शय वो न याद आएगा ता-ब-के
जो छुपा के अपने ही ज़ेहन में ये समझ लिया कि भुला दिया
रह-ओ-रस्म-ए-इश्क़ की मंज़िलें वो नज़ाकतें वो लताफ़तें
कभी लुत्फ़ आफ़त-ए-जाँ बना कभी झिड़कियों ने मज़ा दिया
वो तलव्वुन-ए-दम-ए-होश था कभी कुछ बने कभी कुछ बने
ये जुनून-ए-इश्क़ की शान है जो बना दिया सो बना दिया
ये चराग़ मेरी उमीद का ये घड़ी घड़ी तिरा मश्ग़ला
कभी दूर ही से जला दिया कभी पास आ के बुझा दिया
जो नज़र मिली तो ये सोच था कि सवाल आप से क्या करूँ
जो किया सवाल तो सोच है कि जवाब आप ने क्या दिया
है 'रज़ा' ये हस्ब-ए-मक़ाम-ए-दिल कि पयाम-ए-दिल हो ब-नाम-ए-दिल
कोई क़द्र-दान-ए-कलाम-ए-दिल कहीं मिल गया तो सुना दिया
hai mazāq-e-zinda-dilī yahī isī maslahat ne mazā diyā
na judā ho dil se kasak kabhī vo mizāj-e-dard banā diyā
maiñ abhī kahāñ thā dil-e-hazīñ jo khulī hai aañkh to kuchh nahīñ
mirā farsh-e-ḳhāk to hai vahīñ mujhe arsh-e-ḳhvāb ne kyā diyā
koī haq thā jis kā gila karūñ koī tum se kahne kī baat hai
ki hañsī ḳhushī ke sulūk kā jo rivāj thā vo uThā diyā
mire dard-e-dil kī kise ḳhabar ki ġharīb-e-dil kā payāmbar
vahī rang-e-ruḳh thā kisī qadar jo hañsī meñ sab ne uḌā diyā
hai muġhālta bhī ajiib shai vo na yaad aa.egā tā-ba-ke
jo chhupā ke apne hī zehn meñ ye samajh liyā ki bhulā diyā
rah-o-rasm-e-ishq kī manzileñ vo nazākateñ vo latāfateñ
kabhī lutf āfat-e-jāñ banā kabhī jhiḌkiyoñ ne mazā diyā
vo talavvun-e-dam-e-hosh thā kabhī kuchh bane kabhī kuchh bane
ye junūn-e-ishq kī shaan hai jo banā diyā so banā diyā
ye charāg merī umiid kā ye ghaḌī ghaḌī tirā mashġhala
kabhī duur hī se jalā diyā kabhī paas aa ke bujhā diyā
jo nazar milī to ye soch thā ki savāl aap se kyā karūñ
jo kiyā savāl to soch hai ki javāb aap ne kyā diyā
hai 'razā' ye hasb-e-maqām-e-dil ki payām-e-dil ho ba-nām-e-dil
koī qadr-dān-e-kalām-e-dil kahīñ mil gayā to sunā diyā
ہے مذاق زندہ دلی یہی اسی مصلحت نے مزا دیا
نہ جدا ہو دل سے کسک کبھی وہ مزاج درد بنا دیا
میں ابھی کہاں تھا دل حزیں جو کھلی ہے آنکھ تو کچھ نہیں
مرا فرش خاک تو ہے وہیں مجھے عرش خواب نے کیا دیا
کوئی حق تھا جس کا گلہ کروں کوئی تم سے کہنے کی بات ہے
کہ ہنسی خوشی کے سلوک کا جو رواج تھا وہ اٹھا دیا
مرے درد دل کی کسے خبر کہ غریب دل کا پیامبر
وہی رنگ رخ تھا کسی قدر جو ہنسی میں سب نے اڑا دیا
ہے مغالطہ بھی عجیب شے وہ نہ یاد آئے گا تا بہ کے
جو چھپا کے اپنے ہی ذہن میں یہ سمجھ لیا کہ بھلا دیا
رہ و رسم عشق کی منزلیں وہ نزاکتیں وہ لطافتیں
کبھی لطف آفت جاں بنا کبھی جھڑکیوں نے مزا دیا
وہ تلون دم ہوش تھا کبھی کچھ بنے کبھی کچھ بنے
یہ جنون عشق کی شان ہے جو بنا دیا سو بنا دیا
یہ چراغ میری امید کا یہ گھڑی گھڑی ترا مشغلہ
کبھی دور ہی سے جلا دیا کبھی پاس آ کے بجھا دیا
جو نظر ملی تو یہ سوچ تھا کہ سوال آپ سے کیا کروں
جو کیا سوال تو سوچ ہے کہ جواب آپ نے کیا دیا
ہے رضاؔ یہ حسب مقام دل کہ پیام دل ہو بہ نام دل
کوئی قدردان کلام دل کہیں مل گیا تو سنا دیا