हाथ में तस्वीर ले कर उस सितम-ईजाद की
दिल में इक मश'अल जलाई हम ने उस की याद की
जैसे जैसे देखता हूँ उस बुत-ए-नौ-ख़ेज़ को
हसरतें बढ़ती ही जाती हैं दिल-ए-नाशाद की
इक नज़र तेरी ने लूटा ज़ीस्त का सामाँ मिरा
इक तबस्सुम ने तिरे दुनिया-ए-दिल बर्बाद की
इक न समझी इक न मानी इक नज़र सानी न की
लाख पीटा दिल-जिगर फ़रियाद पर फ़रियाद की
कर दिया पामाल पा-ए-नाज़ से मदफ़न मिरा
इक हसीं ने इस तरह मिट्टी मिरी बर्बाद की
मेरे नाले सुन के 'अर्श-ओ-फ़र्श भी हिलने लगे
काँप उठी दुनिया जो मैं ने हिज्र में फ़रियाद की
दास्तान-ए-ग़म मिरी सुन कर वो फ़रमाने लगे
झूट सी लगती हैं ये बातें तिरी रूदाद की
हम अगर क़ैद-ए-क़फ़स में हैं तो इस का ग़म नहीं
हम पे जो गुज़रे सो गुज़रे ख़ैर हो सय्याद की
जाते जाते इस तरफ़ से भी गुज़रते जाइए
रहगुज़र से दूर कुछ तुर्बत नहीं 'हम्माद' की
haath meñ tasvīr le kar us sitam-ījād kī
dil meñ ik mash'al jalā.ī ham ne us kī yaad kī
jaise jaise dekhtā huuñ us but-e-nau-ḳhez ko
hasrateñ baḌhtī hī jaatī haiñ dil-e-nāshād kī
ik nazar terī ne luuTā ziist kā sāmāñ mirā
ik tabassum ne tire duniyā-e-dil barbād kī
ik na samjhī ik na maanī ik nazar saanī na kī
laakh piiTā dil-jigar fariyād par fariyād kī
kar diyā pāmāl pā-e-nāz se madfan mirā
ik hasīñ ne is tarah miTTī mirī barbād kī
mere naale sun ke 'arsh-o-farsh bhī hilne lage
kaañp uThī duniyā jo maiñ ne hijr meñ fariyād kī
dāstān-e-ġham mirī sun kar vo farmāne lage
jhuuT sī lagtī haiñ ye bāteñ tirī rūdād kī
ham agar qaid-e-qafas meñ haiñ to is kā ġham nahīñ
ham pe jo guzre so guzre ḳhair ho sayyād kī
jaate jaate is taraf se bhī guzarte jā.iye
rah-guzar se duur kuchh turbat nahīñ 'hammād' kī
ہاتھ میں تصویر لے کر اس ستم ایجاد کی
دل میں اک مشعل جلائی ہم نے اس کی یاد کی
جیسے جیسے دیکھتا ہوں اس بت نوخیز کو
حسرتیں بڑھتی ہی جاتی ہیں دل ناشاد کی
اک نظر تیری نے لوٹا زیست کا ساماں مرا
اک تبسم نے ترے دنیائے دل برباد کی
اک نہ سمجھی اک نہ مانی اک نظر ثانی نہ کی
لاکھ پیٹا دل جگر فریاد پر فریاد کی
کر دیا پامال پائے ناز سے مدفن مرا
اک حسیں نے اس طرح مٹی مری برباد کی
میرے نالے سن کے عرش و فرش بھی ہلنے لگے
کانپ اٹھی دنیا جو میں نے ہجر میں فریاد کی
داستان غم مری سن کر وہ فرمانے لگے
جھوٹ سی لگتی ہیں یہ باتیں تری روداد کی
ہم اگر قید قفس میں ہیں تو اس کا غم نہیں
ہم پہ جو گزرے سو گزرے خیر ہو صیاد کی
جاتے جاتے اس طرف سے بھی گزرتے جائیے
رہگزر سے دور کچھ تربت نہیں حمادؔ کی