हाए दम भर भी दिल ठहर न सका
हाथ सीने पे कोई धर न सका
आईना किस से देखा जाता है
रश्क के मारे वो सँवर न सका
रह गया आँख में नज़ाकत से
दिल में नक़्शा तिरा उतर न सका
इस जहाँ से गुज़र गए लाखों
उस गली से कोई गुज़र न सका
मय-कशी से नजात मुश्किल है
मय का डूबा कभी उभर न सका
मेरा नामा ख़त-ए-मुक़द्दर था
कि नज़र से तिरी गुज़र न सका
जो तिरे इश्क़ में तबाह हुआ
कोई उस को तबाह कर न सका
आग ऐसी लगी थी सीने में
आँख से दिल में वो उतर न सका
मौसम-ए-गुल में भी 'जलील' अफ़्सोस
दामन अपना गुलों से भर न सका
haa.e dam bhar bhī dil Thahar na sakā
haath siine pe koī dhar na sakā
ā.īna kis se dekhā jaatā hai
rashk ke maare vo sañvar na sakā
rah gayā aañkh meñ nazākat se
dil meñ naqsha tirā utar na sakā
is jahāñ se guzar ga.e lākhoñ
us galī se koī guzar na sakā
mai-kashī se najāt mushkil hai
mai kā Duubā kabhī ubhar na sakā
merā naama ḳhat-e-muqaddar thā
ki nazar se tirī guzar na sakā
jo tire ishq meñ tabāh huā
koī us ko tabāh kar na sakā
aag aisī lagī thī siine meñ
aañkh se dil meñ vo utar na sakā
mausam-e-gul meñ bhī 'jalīl' afsos
dāman apnā guloñ se bhar na sakā
ہائے دم بھر بھی دل ٹھہر نہ سکا
ہاتھ سینے پہ کوئی دھر نہ سکا
آئینہ کس سے دیکھا جاتا ہے
رشک کے مارے وہ سنور نہ سکا
رہ گیا آنکھ میں نزاکت سے
دل میں نقشہ ترا اتر نہ سکا
اس جہاں سے گزر گئے لاکھوں
اس گلی سے کوئی گزر نہ سکا
مے کشی سے نجات مشکل ہے
مے کا ڈوبا کبھی ابھر نہ سکا
میرا نامہ خط مقدر تھا
کہ نظر سے تری گزر نہ سکا
جو ترے عشق میں تباہ ہوا
کوئی اس کو تباہ کر نہ سکا
آگ ایسی لگی تھی سینے میں
آنکھ سے دل میں وہ اتر نہ سکا
موسم گل میں بھی جلیلؔ افسوس
دامن اپنا گلوں سے بھر نہ سکا