हाए अब कौन लगी दिल की बुझाने आए
जिन से उम्मीद थी और आग लगाने आए
दर्द-मंदों की यूँ ही करते हैं हमदर्दी लोग
ख़ूब हँस हँस के हमें आप रुलाने आए
ख़त में लिखते हैं कि फ़ुर्सत नहीं आने की हमें
इस का मतलब तो ये है कोई मनाने आए
आँख नीची न हुई बज़्म-ए-अदू में जा कर
ये ढिटाई कि नज़र हम से मिलाने आए
ता'ने बे-सब्र यूँ के हाए तशफ़्फ़ी के एवज़
और दिखते हुए दिल को वो दुखाने आए
और तो सब के लिए है तेरी महफ़िल में जगह
हम जो बैठें अभी दरबान उठाने आए
चुटकियाँ लेने को पहलू में रहा एक न एक
तू नहीं तो तेरे अरमान सताने आए
बेकसी का तो जला दिल मिरी तुर्बत पे 'हफ़ीज़'
क्या हुआ वो न अगर शम्अ' जलाने आए
haa.e ab kaun lagī dil kī bujhāne aa.e
jin se ummīd thī aur aag lagāne aa.e
dard-mandoñ kī yuuñ hī karte haiñ hamdardī log
ḳhuub hañs hañs ke hameñ aap rulāne aa.e
ḳhat meñ likhte haiñ ki fursat nahīñ aane kī hameñ
is kā matlab to ye hai koī manāne aa.e
aañkh nīchī na huī bazm-e-adū meñ jā kar
ye DhiTā.ī ki nazar ham se milāne aa.e
ta.ane be-sabr yuuñ ke haa.e tashaffī ke evaz
aur dikhte hue dil ko vo dukhāne aa.e
aur to sab ke liye hai terī mahfil meñ jagah
ham jo baiTheñ abhī darbān uThāne aa.e
chuTkiyāñ lene ko pahlū meñ rahā ek na ek
tū nahīñ to tere armān satāne aa.e
bekasī kā to jalā dil mirī turbat pe 'hafīz'
kyā huā vo na agar sham.a jalāne aa.e
ہائے اب کون لگی دل کی بجھانے آئے
جن سے امید تھی اور آگ لگانے آئے
درد مندوں کی یوں ہی کرتے ہیں ہمدردی لوگ
خوب ہنس ہنس کے ہمیں آپ رلانے آئے
خط میں لکھتے ہیں کہ فرصت نہیں آنے کی ہمیں
اس کا مطلب تو یہ ہے کوئی منانے آئے
آنکھ نیچی نہ ہوئی بزم عدو میں جا کر
یہ ڈھٹائی کہ نظر ہم سے ملانے آئے
طعنے بے صبر یوں کے ہائے تشفی کے عوض
اور دکھتے ہوئے دل کو وہ دکھانے آئے
اور تو سب کے لیے ہے تیری محفل میں جگہ
ہم جو بیٹھیں ابھی دربان اٹھانے آئے
چٹکیاں لینے کو پہلو میں رہا ایک نہ ایک
تو نہیں تو تیرے ارمان ستانے آئے
بیکسی کا تو جلا دل مری تربت پہ حفیظؔ
کیا ہوا وہ نہ اگر شمع جلانے آئے