घटाओं ने बहाए अश्क मयख़ाने बहुत रोए
बिछड़ कर तेरे मय-ख़्वारों से पैमाने बहुत रोए
बहार आई थी उन की आबला-पाई से काँटों पर
हुए रुख़्सत तिरे वहशी तो वीराने बहुत रोए
वो अपने थे तो हँसते थे मिरी बर्बादी-ए-दिल पर
न-जाने क्यूँ वो मुझ से हो के बेगाने बहुत रोए
जो मोहलत दी कभी हम को ज़माने के हवादिस ने
तो कर के याद बीते दिन के अफ़्साने बहुत रोए
ज़माना जब था ग़म का उन के होंटों पर तबस्सुम था
मसर्रत की घड़ी आई तो दीवाने बहुत रोए
निज़ाम-ए-मयकदा बदला जो साक़ी तेरी नज़रों ने
तो मय-कश तोड़ कर ख़ुद अपने पैमाने बहुत रोए
न आया जिन को मर जाना भी जल कर शम' की लौ पर
'ज़फ़र' अपने मुक़द्दर पर वो परवाने बहुत रोए
ghaTāoñ ne bahā.e ashk maiḳhāne bahut ro.e
bichhaḌ kar tere mai-ḳhvāroñ se paimāne bahut ro.e
bahār aa.ī thī un kī ābla-pā.ī se kāñToñ par
hue ruḳhsat tire vahshī to vīrāne bahut ro.e
vo apne the to hañste the mirī barbādī-e-dil par
na-jāne kyuuñ vo mujh se ho ke begāne bahut ro.e
jo mohlat dī kabhī ham ko zamāne ke havādis ne
to kar ke yaad biite din ke afsāne bahut ro.e
zamāna jab thā ġham kā un ke hoñToñ par tabassum thā
masarrat kī ghaḌī aa.ī to dīvāne bahut ro.e
nizām-e-maikada badlā jo saaqī terī nazroñ ne
to mai-kash toḌ kar ḳhud apne paimāne bahut ro.e
na aayā jin ko mar jaanā bhī jal kar sham' kī lau par
'zafar' apne muqaddar par vo parvāne bahut ro.e
گھٹاؤں نے بہائے اشک میخانے بہت روئے
بچھڑ کر تیرے مے خواروں سے پیمانے بہت روئے
بہار آئی تھی ان کی آبلہ پائی سے کانٹوں پر
ہوئے رخصت ترے وحشی تو ویرانے بہت روئے
وہ اپنے تھے تو ہنستے تھے مری بربادئ دل پر
نہ جانے کیوں وہ مجھ سے ہو کے بیگانے بہت روئے
جو مہلت دی کبھی ہم کو زمانے کے حوادث نے
تو کر کے یاد بیتے دن کے افسانے بہت روئے
زمانہ جب تھا غم کا ان کے ہونٹوں پر تبسم تھا
مسرت کی گھڑی آئی تو دیوانے بہت روئے
نظام میکدہ بدلا جو ساقی تیری نظروں نے
تو میکش توڑ کر خود اپنے پیمانے بہت روئے
نہ آیا جن کو مر جانا بھی جل کر شمع کی لو پر
ظفرؔ اپنے مقدر پر وہ پروانے بہت روئے