ग़म-ए-आफ़ाक़ है रुस्वा ग़म-ए-दिल-बर बन के
तोहमत-ए-इश्क़ लगी हम पे सुख़न-वर बन के
वो नहीं मौत सही मौत नहीं नींद सही
कोई आ जाए शब-ए-ग़म का मुक़द्दर बन के
राहबर तुम को बनाया हमें मालूम न था
राह-रौ राह भटक जाते हैं रहबर बन के
इस ज़ियाँ-ख़ाने में इक क़तरे पे क्या क्या गुज़री
कभी आँसू कभी शबनम कभी गौहर बन के
मौत की नींद के मातों पे न क्यूँ रश्क आए
जागना है उन्हें हंगामा-ए-मशहर बन के
याद फिर आ गईं भूली हुई बातें क्या क्या
फिर मुलाक़ात हुई ऐसे मुक़द्दर बन के
आह ये उक़्दा-ए-ग़म बज़्म-ए-तरब में भी 'हफ़ीज़'
बार-हा आँख छलक जाती है साग़र बन के
ġham-e-āfāq hai rusvā ġham-e-dil-bar ban ke
tohmat-e-ishq lagī ham pe suḳhan-var ban ke
vo nahīñ maut sahī maut nahīñ niiñd sahī
koī aa jaa.e shab-e-ġham kā muqaddar ban ke
rāhbar tum ko banāyā hameñ mālūm na thā
rāh-rau raah bhaTak jaate haiñ rahbar ban ke
is ziyāñ-ḳhāne meñ ik qatre pe kyā kyā guzrī
kabhī aañsū kabhī shabnam kabhī gauhar ban ke
maut kī niiñd ke mātoñ pe na kyuuñ rashk aa.e
jāgnā hai unheñ hañgāma-e-mahshar ban ke
yaad phir aa ga.iiñ bhūlī huī bāteñ kyā kyā
phir mulāqāt huī aise muqaddar ban ke
aah ye uqda-e-ġham bazm-e-tarab meñ bhī 'hafīz'
bār-hā aañkh chhalak jaatī hai sāġhar ban ke
غم آفاق ہے رسوا غم دلبر بن کے
تہمت عشق لگی ہم پہ سخن ور بن کے
وہ نہیں موت سہی موت نہیں نیند سہی
کوئی آ جائے شب غم کا مقدر بن کے
راہبر تم کو بنایا ہمیں معلوم نہ تھا
راہرو راہ بھٹک جاتے ہیں رہبر بن کے
اس زیاں خانے میں اک قطرے پہ کیا کیا گزری
کبھی آنسو کبھی شبنم کبھی گوہر بن کے
موت کی نیند کے ماتوں پہ نہ کیوں رشک آئے
جاگنا ہے انہیں ہنگامۂ محشر بن کے
یاد پھر آ گئیں بھولی ہوئی باتیں کیا کیا
پھر ملاقات ہوئی ایسے مقدر بن کے
آہ یہ عقدۂ غم بزم طرب میں بھی حفیظؔ
بارہا آنکھ چھلک جاتی ہے ساغر بن کے