दिल पर लगा रही है वो नीची निगाह चोट
फिर चोट भी वो चोट जो है बे-पनाह चोट
फोड़ा सर उस के दर से कि बरसे जुनूँ में संग
मुझ को दिला रही है अजब इश्तिबाह चोट
बिजली का नाम सुनते ही आँखें झपक गईं
रोकेगी मेरी आह की क्या ये निगाह चोट
लालच असर का हो न कहीं बाइस-ए-ज़रर
टकरा के सर फ़लक से न खा जाए आह चोट
मुँह हर दहान-ए-ज़ख़्म का सीते हैं इस लिए
मतलब है हश्र में भी न हो दाद-ख़्वाह चोट
मिलती है चुप की दाद ये मशहूर बात है
जल जाए आसमाँ जो करे ज़ब्त आह चोट
उठते ही दिल में टीस जिगर में टपक हुई
करती है दर्द-ए-हिज्र से गोया निबाह चोट
चौखट पे तेरी शब को पटकता है सर 'हफ़ीज़'
बावर न हो तो देख जबीन है गवाह चोट
dil par lagā rahī hai vo nīchī nigāh choT
phir choT bhī vo choT jo hai be-panāh choT
phoḌā sar us ke dar se ki barse junūñ meñ sañg
mujh ko dilā rahī hai ajab ishtibāh choT
bijlī kā naam sunte hī āñkheñ jhapak ga.iiñ
rokegī merī aah kī kyā ye nigāh choT
lālach asar kā ho na kahīñ bā.is-e-zarar
Takrā ke sar falak se na khā jaa.e aah choT
muñh har dahān-e-zaḳhm kā siite haiñ is liye
matlab hai hashr meñ bhī na ho dād-ḳhvāh choT
miltī hai chup kī daad ye mash.hūr baat hai
jal jaa.e āsmāñ jo kare zabt aah choT
uThte hī dil meñ Tiis jigar meñ Tapak huī
kartī hai dard-e-hijr se goyā nibāh choT
chaukhaT pe terī shab ko paTaktā hai sar 'hafīz'
bāvar na ho to dekh jabīn hai gavāh choT
دل پر لگا رہی ہے وہ نیچی نگاہ چوٹ
پھر چوٹ بھی وہ چوٹ جو ہے بے پناہ چوٹ
پھوڑا سر اس کے در سے کہ برسے جنوں میں سنگ
مجھ کو دلا رہی ہے عجب اشتباہ چوٹ
بجلی کا نام سنتے ہی آنکھیں جھپک گئیں
روکے گی میری آہ کی کیا یہ نگاہ چوٹ
لالچ اثر کا ہو نہ کہیں باعث ضرر
ٹکرا کے سر فلک سے نہ کھا جائے آہ چوٹ
منہ ہر دہان زخم کا سیتے ہیں اس لیے
مطلب ہے حشر میں بھی نہ ہو داد خواہ چوٹ
ملتی ہے چپ کی داد یہ مشہور بات ہے
جل جائے آسماں جو کرے ضبط آہ چوٹ
اٹھتے ہی دل میں ٹیس جگر میں ٹپک ہوئی
کرتی ہے درد ہجر سے گویا نباہ چوٹ
چوکھٹ پہ تیری شب کو پٹکتا ہے سر حفیظؔ
باور نہ ہو تو دیکھ جبین ہے گواہ چوٹ