दिल में हैं वस्ल के अरमान बहुत
जम्अ' इस घर में हैं मेहमान बहुत
आए तो दस्त-ए-जुनूँ ज़ोरों पर
चाक करने को गरेबान बहुत
मेरी जानिब से दिल उस का न फिरा
दुश्मनों ने तो भरे कान बहुत
ले के इक दिल ग़म-ए-कौनैन दिया
आप के मुझ पे हैं एहसान बहुत
तर्क-ए-उल्फ़त का हमीं को है ग़म
वो भी हैं दिल में पशेमान बहुत
दिल के वीराने का है आलम कुछ और
हम ने देखे हैं बयाबान बहुत
ख़ाक होने को हज़ारों हसरत
ख़ून होने को हैं अरमान बहुत
सदमा-ए-हिज्र उठाना मुश्किल
जान देना तो है आसान बहुत
रश्क जिन पर है फ़रिश्तों को 'हफ़ीज़'
ऐसे दुनिया में हैं इंसान बहुत
dil meñ haiñ vasl ke armān bahut
jam.a is ghar meñ haiñ mehmān bahut
aa.e to dast-e-junūñ zoroñ par
chaak karne ko garebān bahut
merī jānib se dil us kā na phirā
dushmanoñ ne to bhare kaan bahut
le ke ik dil ġham-e-kaunain diyā
aap ke mujh pe haiñ ehsān bahut
tark-e-ulfat kā hamīñ ko hai ġham
vo bhī haiñ dil meñ pashemān bahut
dil ke vīrāne kā hai aalam kuchh aur
ham ne dekhe haiñ bayābān bahut
ḳhaak hone ko hazāroñ hasrat
ḳhuun hone ko haiñ armān bahut
sadma-e-hijr uThānā mushkil
jaan denā to hai āsān bahut
rashk jin par hai farishtoñ ko 'hafīz'
aise duniyā meñ haiñ insān bahut
دل میں ہیں وصل کے ارمان بہت
جمع اس گھر میں ہیں مہمان بہت
آئے تو دست جنوں زوروں پر
چاک کرنے کو گریبان بہت
میری جانب سے دل اس کا نہ پھرا
دشمنوں نے تو بھرے کان بہت
لے کے اک دل غم کونین دیا
آپ کے مجھ پہ ہیں احسان بہت
ترک الفت کا ہمیں کو ہے غم
وہ بھی ہیں دل میں پشیمان بہت
دل کے ویرانے کا ہے عالم کچھ اور
ہم نے دیکھے ہیں بیابان بہت
خاک ہونے کو ہزاروں حسرت
خون ہونے کو ہیں ارمان بہت
صدمۂ ہجر اٹھانا مشکل
جان دینا تو ہے آسان بہت
رشک جن پر ہے فرشتوں کو حفیظؔ
ایسے دنیا میں ہیں انسان بہت