दिल को इसी सबब से है इज़्तिराब शायद
क़ासिद फिरा है ले कर ख़त का जवाब शायद
आँखें चढ़ी हुई हैं बातें हैं बहकी बहकी
आए हो तुम कहीं से पी कर शराब शायद
क्या जाने किस हवा में इतना उभर रहा है
हस्ती नहीं समझता अपनी हबाब शायद
मुझ पर जो वो सहर से इस दर्जा मेहरबाँ हैं
शब की दुआ हुई है कुछ मुस्तजाब शायद
बीमार हूँ बंधी है धुन रात-दिन सफ़र की
ग़ुर्बत में अपनी मिट्टी होगी ख़राब शायद
पिछले से वस्ल की शब आसार सुब्ह के हैं
निकलेगा रात ही से आज आफ़्ताब शायद
आया बहुत दिनों पर ज़ाहिद जो मय-कदे में
भूली हुई थी उस को राह-ए-सवाब शायद
बरसात की कमी से क्या क़द्र घट गई है
ऐसी कभी बिकी हो अर्ज़ां शराब शायद
अपने दिमाग़ में तो अब ये बसी हुई है
बेहतर तिरे पसीने से हो गुलाब शायद
बज़्म-ए-अदू में आ कर जिस तरह हम जले हैं
दोज़ख़ में हो किसी पर ऐसा अज़ाब शायद
अश्कों से तर हुई थी यूँ रात सेज उन की
याद आ गया था कोई हंगाम-ए-ख़्वाब शायद
ऐ शैख़ तू मिला कर देख उन से उम्र अपनी
हूरों का ढल गया हो अब तो शबाब शायद
तौबा 'हफ़ीज़' मय का पड़ जाए जिस को चसका
फिर उस से मरते दम तक छूटे शराब शायद
dil ko isī sabab se hai iztirāb shāyad
qāsid phirā hai le kar ḳhat kā javāb shāyad
āñkheñ chaḌhī huī haiñ bāteñ haiñ bahkī bahkī
aa.e ho tum kahīñ se pī kar sharāb shāyad
kyā jaane kis havā meñ itnā ubhar rahā hai
hastī nahīñ samajhtā apnī habāb shāyad
mujh par jo vo sahar se is darja mehrbāñ haiñ
shab kī duā huī hai kuchh mustajāb shāyad
bīmār huuñ bañdhī hai dhun rāt-din safar kī
ġhurbat meñ apnī miTTī hogī ḳharāb shāyad
pichhle se vasl kī shab āsār sub.h ke haiñ
niklegā raat hī se aaj āftāb shāyad
aayā bahut dinoñ par zāhid jo mai-kade meñ
bhūlī huī thī us ko rāh-e-savāb shāyad
barsāt kī kamī se kyā qadr ghaT ga.ī hai
aisī kabhī bikī ho arzāñ sharāb shāyad
apne dimāġh meñ to ab ye basī huī hai
behtar tire pasīne se ho gulāb shāyad
bazm-e-adū meñ aa kar jis tarah ham jale haiñ
dozaḳh meñ ho kisī par aisā azaab shāyad
ashkoñ se tar huī thī yuuñ raat sej un kī
yaad aa gayā thā koī hañgām-e-ḳhvāb shāyad
ai shaiḳh tū milā kar dekh un se umr apnī
hūroñ kā Dhal gayā ho ab to shabāb shāyad
tauba 'hafīz' mai kā paḌ jaa.e jis ko chaskā
phir us se marte dam tak chhūTe sharāb shāyad
دل کو اسی سبب سے ہے اضطراب شاید
قاصد پھرا ہے لے کر خط کا جواب شاید
آنکھیں چڑھی ہوئی ہیں باتیں ہیں بہکی بہکی
آئے ہو تم کہیں سے پی کر شراب شاید
کیا جانے کس ہوا میں اتنا ابھر رہا ہے
ہستی نہیں سمجھتا اپنی حباب شاید
مجھ پر جو وہ سحر سے اس درجہ مہرباں ہیں
شب کی دعا ہوئی ہے کچھ مستجاب شاید
بیمار ہوں بندھی ہے دھن رات دن سفر کی
غربت میں اپنی مٹی ہوگی خراب شاید
پچھلے سے وصل کی شب آثار صبح کے ہیں
نکلے گا رات ہی سے آج آفتاب شاید
آیا بہت دنوں پر زاہد جو میکدے میں
بھولی ہوئی تھی اس کو راہ ثواب شاید
برسات کی کمی سے کیا قدر گھٹ گئی ہے
ایسی کبھی بکی ہو ارزاں شراب شاید
اپنے دماغ میں تو اب یہ بسی ہوئی ہے
بہتر ترے پسینے سے ہو گلاب شاید
بزم عدو میں آ کر جس طرح ہم جلے ہیں
دوزخ میں ہو کسی پر ایسا عذاب شاید
اشکوں سے تر ہوئی تھی یوں رات سیج ان کی
یاد آ گیا تھا کوئی ہنگام خواب شاید
اے شیخ تو ملا کر دیکھ ان سے عمر اپنی
حوروں کا ڈھل گیا ہو اب تو شباب شاید
توبہ حفیظؔ مے کا پڑ جائے جس کو چسکا
پھر اس سے مرتے دم تک چھوٹے شراب شاید