दिल का सारा घोर अँधेरा दूर हुआ
किस का है ये नूर जो मैं पुर-नूर हुआ
ज़ख़्म रिसा फिर ज़ख़्म-ए-दिल नासूर हुआ
रफ़्ता रफ़्ता जैसे भागलपूर हुआ
यूँ तो हम ने क़िस्से लिक्खे रंगा-रंग
लेकिन ग़म का क़िस्सा ही मशहूर हुआ
पानी पानी चीख़ रहा था प्यासा दिल
शहर-ए-सितम का कैसा ये दस्तूर हुआ
कैसा मुहलिक शोर बपा है खे़मे में
आँखें सूनी दिल का शीशा चूर हुआ
अब के मौसम सदियों का तहज़ीबी रंग
ख़त्म हुआ बर्बाद हुआ काफ़ूर हुआ
शहर में तेरे किस से गिला फिर करते हम
'अख़्तर' जब अपना ही साया दूर हुआ
dil kā saarā ghor añdherā duur huā
kis kā hai ye nuur jo maiñ pur-nūr huā
zaḳhm risā phir zaḳhm-e-dil nāsūr huā
rafta rafta jaise bhāgalpūr huā
yuuñ to ham ne qisse likkhe rañgā-rañg
lekin ġham kā qissa hī mash.hūr huā
paanī paanī chīḳh rahā thā pyāsā dil
shahr-e-sitam kā kaisā ye dastūr huā
kaisā muhlik shor bapā hai ḳheme meñ
āñkheñ suunī dil kā shīsha chuur huā
ab ke mausam sadiyoñ kā tahzībī rang
ḳhatm huā barbād huā kāfūr huā
shahr meñ tere kis se gilā phir karte ham
'aḳhtar' jab apnā hī saaya duur huā
دل کا سارا گھور اندھیرا دور ہوا
کس کا ہے یہ نور جو میں پر نور ہوا
زخم رسا پھر زخم دل ناسور ہوا
رفتہ رفتہ جیسے بھاگلپور ہوا
یوں تو ہم نے قصے لکھے رنگا رنگ
لیکن غم کا قصہ ہی مشہور ہوا
پانی پانی چیخ رہا تھا پیاسا دل
شہر ستم کا کیسا یہ دستور ہوا
کیسا مہلک شور بپا ہے خیمے میں
آنکھیں سونی دل کا شیشہ چور ہوا
اب کے موسم صدیوں کا تہذیبی رنگ
ختم ہوا برباد ہوا کافور ہوا
شہر میں تیرے کس سے گلا پھر کرتے ہم
اخترؔ جب اپنا ہی سایہ دور ہوا