दिल है तो तिरे वस्ल के अरमान बहुत हैं
ये घर जो सलामत है तो मेहमान बहुत है
मैं दाद का ख़्वाहाँ नहीं ऐ दावर-ए-महशर
आज अपने किए पर वो पशेमान बहुत हैं
दिल ले के खिलौने की तरह तोड़ न डालें
डर मुझ को यही है कि वो नादान बहुत हैं
वो फूल चढ़ाते हैं दबी जाती है तुर्बत
मा'शूक़ के थोड़े से भी एहसान बहुत हैं
तुम को न पसंद आए न लो फेर दो मुझ को
इस दिल के ख़रीदार मिरी जान बहुत हैं
डाँटा कभी ग़म्ज़े ने कभी नाज़ ने टोका
ख़ल्वत में भी साथ उन के निगहबान बहुत हैं
ख़ाली भी कोई दिल है वहाँ इश्क़-ए-सनम से
कहने को तो का'बे में मुसलमान बहुत हैं
शायद ये असर हो मेरी आह-ए-सहरी का
कुछ सुब्ह से वो आज परेशान बहुत हैं
क्या शब को 'हफ़ीज़' उन से यहीं वस्ल की ठहरी
आज आप के घर ऐश के सामान बहुत हैं
dil hai to tire vasl ke armān bahut haiñ
ye ghar jo salāmat hai to mehmān bahut hai
maiñ daad kā ḳhvāhāñ nahīñ ai dāvar-e-mahshar
aaj apne kiye par vo pashemān bahut haiñ
dil le ke khilaune kī tarah toḌ na Dāleñ
Dar mujh ko yahī hai ki vo nādān bahut haiñ
vo phuul chaḌhāte haiñ dabī jaatī hai turbat
ma.ashūq ke thoḌe se bhī ehsān bahut haiñ
tum ko na pasand aa.e na lo pher do mujh ko
is dil ke ḳharīdār mirī jaan bahut haiñ
DāñTā kabhī ġhamze ne kabhī naaz ne Tokā
ḳhalvat meñ bhī saath un ke nigahbān bahut haiñ
ḳhālī bhī koī dil hai vahāñ ishq-e-sanam se
kahne ko to ka.abe meñ musalmān bahut haiñ
shāyad ye asar ho merī āh-e-saharī kā
kuchh sub.h se vo aaj pareshān bahut haiñ
kyā shab ko 'hafīz' un se yahīñ vasl kī Thahrī
aaj aap ke ghar aish ke sāmān bahut haiñ
دل ہے تو ترے وصل کے ارمان بہت ہیں
یہ گھر جو سلامت ہے تو مہمان بہت ہے
میں داد کا خواہاں نہیں اے داور محشر
آج اپنے کیے پر وہ پشیمان بہت ہیں
دل لے کے کھلونے کی طرح توڑ نہ ڈالیں
ڈر مجھ کو یہی ہے کہ وہ نادان بہت ہیں
وہ پھول چڑھاتے ہیں دبی جاتی ہے تربت
معشوق کے تھوڑے سے بھی احسان بہت ہیں
تم کو نہ پسند آئے نہ لو پھیر دو مجھ کو
اس دل کے خریدار مری جان بہت ہیں
ڈانٹا کبھی غمزے نے کبھی ناز نے ٹوکا
خلوت میں بھی ساتھ ان کے نگہبان بہت ہیں
خالی بھی کوئی دل ہے وہاں عشق صنم سے
کہنے کو تو کعبے میں مسلمان بہت ہیں
شاید یہ اثر ہو میری آہ سحری کا
کچھ صبح سے وہ آج پریشان بہت ہیں
کیا شب کو حفیظؔ ان سے یہیں وصل کی ٹھہری
آج آپ کے گھر عیش کے سامان بہت ہیں