धूप की 'उम्र ज़ियादा है सफ़र मुझ से कम
इस लिए ज़र्द तो होती है मगर मुझ से कम
मैं हूँ जंगल में उतरता हुआ ज़ेली रस्ता
ख़िल्क़त-ए-शहर का होता है गुज़र मुझ से कम
राएगाँ शख़्स की सोहबत से बुरा कुछ भी नहीं
हिज्र अपनाओ कि इस में है ज़रर मुझ से कम
तू न रह कर भी यहाँ इतना रहा है मिरे यार
तुझ से मानूस ज़ियादा है ये घर मुझ से कम
हर ख़िज़ाँ ऐसे मिरे ज़ख़्म हरे करती है
सब्ज़ लगते हैं बहारों में शजर मुझ से कम
कोई ठेका हो उदासी का मुझे मिलता है
कोई भरता ही नहीं निर्ख़ इधर मुझ से कम
हाथ उठाए मैं जिसे ठीक नज़र आता हूँ
देखना है यहाँ किस की है नज़र मुझ से कम
क्या कहा तू ने फुलाँ मुझ से भी कम बोलता है
मैं नहीं मानता सच यार न कर मुझ से कम
वो फ़क़त रोता है हँसता नहीं ता-देर 'उमैर'
मेरे बेटे में है वहशत का असर मुझ से कम
dhuup kī 'umr ziyāda hai safar mujh se kam
is liye zard to hotī hai magar mujh se kam
maiñ huuñ jangal meñ utartā huā zelī rasta
ḳhilqat-e-shahr kā hotā hai guzar mujh se kam
rā.egāñ shaḳhs kī sohbat se burā kuchh bhī nahīñ
hijr apnāo ki is meñ hai zarar mujh se kam
tū na rah kar bhī yahāñ itnā rahā hai mire yaar
tujh se mānūs ziyāda hai ye ghar mujh se kam
har ḳhizāñ aise mire zaḳhm hare kartī hai
sabz lagte haiñ bahāroñ meñ shajar mujh se kam
koī Thekā ho udāsī kā mujhe miltā hai
koī bhartā hī nahīñ nirḳh idhar mujh se kam
haath uThā.e maiñ jise Thiik nazar aatā huuñ
dekhnā hai yahāñ kis kī hai nazar mujh se kam
kyā kahā tū ne fulāñ mujh se bhī kam boltā hai
maiñ nahīñ māntā sach yaar na kar mujh se kam
vo faqat rotā hai hañstā nahīñ tā-der 'umair'
mere beTe meñ hai vahshat kā asar mujh se kam
دھوپ کی عمر زیادہ ہے سفر مجھ سے کم
اس لئے زرد تو ہوتی ہے مگر مجھ سے کم
میں ہوں جنگل میں اترتا ہوا ذیلی رستہ
خلقت شہر کا ہوتا ہے گزر مجھ سے کم
رائیگاں شخص کی صحبت سے برا کچھ بھی نہیں
ہجر اپناؤ کہ اس میں ہے ضرر مجھ سے کم
تو نہ رہ کر بھی یہاں اتنا رہا ہے مرے یار
تجھ سے مانوس زیادہ ہے یہ گھر مجھ سے کم
ہر خزاں ایسے مرے زخم ہرے کرتی ہے
سبز لگتے ہیں بہاروں میں شجر مجھ سے کم
کوئی ٹھیکا ہو اداسی کا مجھے ملتا ہے
کوئی بھرتا ہی نہیں نرخ ادھر مجھ سے کم
ہاتھ اٹھائے میں جسے ٹھیک نظر آتا ہوں
دیکھنا ہے یہاں کس کی ہے نظر مجھ سے کم
کیا کہا تو نے فلاں مجھ سے بھی کم بولتا ہے
میں نہیں مانتا سچ یار نہ کر مجھ سے کم
وہ فقط روتا ہے ہنستا نہیں تادیر عمیرؔ
میرے بیٹے میں ہے وحشت کا اثر مجھ سے کم