चाक-ए-दामाँ न रहा चाक-ए-गरेबाँ न रहा
फिर भी पोशीदा मिरा हाल-ए-परेशाँ न रहा
बज़्म-ए-दुश्मन न कभी दरहम-ओ-बरहम देखी
क्या तिरा दौर वो ऐ गर्दिश-ए-दौराँ न रहा
मुझ को अफ़्सोस कि वो और अदू के बस में
उस को ये ग़म कि मिरा अब कोई पुरसाँ न रहा
हम ने जो बात कही थी वही आख़िर को हुई
तुम ने जो राज़ छुपाया था वो पिन्हाँ न रहा
मुन्फ़इल तर्क-ए-वफ़ा ने मुझे बरसों रक्खा
चार दिन अपने किए पर वो पशेमाँ न रहा
उन की शोख़ी भी हुई है मिरी वहशत का जवाब
हाथ डाला जो गरेबाँ में गरेबाँ न रहा
बन गई दाग़ कलेजे का तमन्ना-ए-विसाल
दाग़-ए-हसरत के सिवा अब कोई अरमाँ न रहा
ख़ैर सब क़ौल-ओ-क़सम झूट सही ख़ुश रहिए
अब मिरे आप के वो अहद वो पैमाँ न रहा
रोकने को मुझे ग़ैरत के सिवा इस दर पर
कोई दरबाँ न रहा कोई निगहबाँ न रहा
मिट गया शग़्ल-ए-जुनूँ अब वो कहाँ जामा-दरी
ज़ोर वहशत का भी अब दस्त-ओ-गरेबाँ न रहा
चार झिड़की में तिरे दर से अलग हो बैठा
ग़ैर कुछ रोज़ भी मिन्नत-कश-ए-दरबाँ न रहा
वक़्त को हाथ से खो कर कोई दुनिया में 'हफ़ीज़'
उम्र-भर मेरी तरह सर-ब-गरेबाँ न रहा
chāk-e-dāmāñ na rahā chāk-e-garebāñ na rahā
phir bhī poshīda mirā hāl-e-pareshāñ na rahā
bazm-e-dushman na kabhī darham-o-barham dekhī
kyā tirā daur vo ai gardish-e-daurāñ na rahā
mujh ko afsos ki vo aur adū ke bas meñ
us ko ye ġham ki mirā ab koī pursāñ na rahā
ham ne jo baat kahī thī vahī āḳhir ko huī
tum ne jo raaz chhupāyā thā vo pinhāñ na rahā
munfa.il tark-e-vafā ne mujhe barsoñ rakkhā
chaar din apne kiye par vo pashemāñ na rahā
un kī shoḳhī bhī huī hai mirī vahshat kā javāb
haath Daalā jo garebāñ meñ garebāñ na rahā
ban ga.ī daaġh kaleje kā tamannā-e-visāl
dāġh-e-hasrat ke sivā ab koī armāñ na rahā
ḳhair sab qaul-o-qasam jhuuT sahī ḳhush rahiye
ab mire aap ke vo ahd vo paimāñ na rahā
rokne ko mujhe ġhairat ke sivā is dar par
koī darbāñ na rahā koī nigahbāñ na rahā
miT gayā shaġhl-e-junūñ ab vo kahāñ jāma-darī
zor vahshat kā bhī ab dast-o-garebāñ na rahā
chaar jhiḌkī meñ tire dar se alag ho baiThā
ġhair kuchh roz bhī minnat-kash-e-darbāñ na rahā
vaqt ko haath se kho kar koī duniyā meñ 'hafīz'
umr-bhar merī tarah sar-ba-garebāñ na rahā
چاک داماں نہ رہا چاک گریباں نہ رہا
پھر بھی پوشیدہ مرا حال پریشاں نہ رہا
بزم دشمن نہ کبھی درہم و برہم دیکھی
کیا ترا دور وہ اے گردش دوراں نہ رہا
مجھ کو افسوس کہ وہ اور عدو کے بس میں
اس کو یہ غم کہ مرا اب کوئی پرساں نہ رہا
ہم نے جو بات کہی تھی وہی آخر کو ہوئی
تم نے جو راز چھپایا تھا وہ پنہاں نہ رہا
منفعل ترک وفا نے مجھے برسوں رکھا
چار دن اپنے کیے پر وہ پشیماں نہ رہا
ان کی شوخی بھی ہوئی ہے مری وحشت کا جواب
ہاتھ ڈالا جو گریباں میں گریباں نہ رہا
بن گئی داغ کلیجے کا تمنائے وصال
داغ حسرت کے سوا اب کوئی ارماں نہ رہا
خیر سب قول و قسم جھوٹ سہی خوش رہیے
اب مرے آپ کے وہ عہد وہ پیماں نہ رہا
روکنے کو مجھے غیرت کے سوا اس در پر
کوئی درباں نہ رہا کوئی نگہباں نہ رہا
مٹ گیا شغل جنوں اب وہ کہاں جامہ دری
زور وحشت کا بھی اب دست و گریباں نہ رہا
چار جھڑکی میں ترے در سے الگ ہو بیٹھا
غیر کچھ روز بھی منت کش درباں نہ رہا
وقت کو ہاتھ سے کھو کر کوئی دنیا میں حفیظؔ
عمر بھر میری طرح سر بہ گریباں نہ رہا