बुतान-ए-माह-वश उजड़ी हुई मंज़िल में रहते हैं
कि जिस की जान जाती है उसी के दिल में रहते हैं
हज़ारों दाग़ पिन्हाँ 'आशिक़ों के दिल में रहते हैं
शरर पत्थर की सूरत उन की आब-ओ-गिल में रहते हैं
ज़मीं पर पाँव नफ़रत से नहीं रखते परी-पैकर
ये गोया इस मकाँ की दूसरी मंज़िल में रहते हैं
मोहब्बत में मज़ा है छेड़ का लेकिन मज़े की हो
हज़ारों लुत्फ़ हर इक शिकवा-ए-बातिल में रहते हैं
ख़ुदा रक्खे सलामत जिन को उन को मौत कब आए
तड़पते लोटते हम कूचा-ए-क़ातिल में रहते हैं
हज़ारों हसरतें वो हैं कि रोके से नहीं रुकतीं
बहुत अरमान ऐसे हैं कि दिल के दिल में रहते हैं
यहाँ तक थक गए हैं चलते चलते तेरे हाथों से
कि अब छुप छुप के नावक सीना-ए-बिस्मिल में रहते हैं
न देखे होंगे रिंदों से भी तू ने पाक ऐ ज़ाहिद
कि ये बे-दाग़ मय-ख़ाने की आब-ओ-गिल में रहते हैं
मुहीत-ए-'इश्क़ की हर मौज तूफ़ाँ-ख़ेज़ ऐसी है
वो हैं गिर्दाब में जो दामन-ए-साहिल में रहते हैं
ख़ुदा रक्खे मोहब्बत ने किए आबाद दोनों घर
मैं उन के दिल में रहता हूँ वो मेरे दिल में रहते हैं
जो होती ख़ूब-सूरत तो न छुपती क़ैस से लैला
मगर ऐसे ही वैसे पर्दा-ए-महमिल में रहते हैं
हमारे साए से बचता है हर इक बज़्म में उस की
हमें देखो कि हम तन्हा भरी महफ़िल में रहते हैं
सुराग़-ए-मेहर-ओ-उल्फ़त ग़ैर के दिल में न पाएँगे
'अबस वो रात दिन इस सई-ए-बे-हासिल में रहते हैं
बुतों को महरम-ए-असरार तू ने क्यूँ किया या रब
कि ये काफ़िर हर इक ख़ल्वत-सरा-ए-दिल में रहते हैं
फ़लक दुश्मन हुआ गर्दिश-ज़दों को जब मिली राहत
ज़ियादा राह से खटके मुझे मंज़िल में रहते हैं
तन-आसानी कहाँ तक़दीर में हम दिल-गिरफ़्तों की
ख़ुदा पर ख़ूब रौशन है कि जिस मुश्किल में रहते हैं
butān-e-māh-vash ujḌī huī manzil meñ rahte haiñ
ki jis kī jaan jaatī hai usī ke dil meñ rahte haiñ
hazāroñ daaġh pinhāñ 'āshiqoñ ke dil meñ rahte haiñ
sharar patthar kī sūrat un kī āb-o-gil meñ rahte haiñ
zamīñ par paañv nafrat se nahīñ rakhte parī-paikar
ye goyā is makāñ kī dūsrī manzil meñ rahte haiñ
mohabbat meñ mazā hai chheḌ kā lekin maze kī ho
hazāroñ lutf har ik shikva-e-bātil meñ rahte haiñ
ḳhudā rakkhe salāmat jin ko un ko maut kab aa.e
taḌapte loTte ham kūcha-e-qātil meñ rahte haiñ
hazāroñ hasrateñ vo haiñ ki roke se nahīñ ruktīñ
bahut armān aise haiñ ki dil ke dil meñ rahte haiñ
yahāñ tak thak gaye haiñ chalte chalte tere hāthoñ se
ki ab chhup chhup ke nāvak sīna-e-bismil meñ rahte haiñ
na dekhe hoñge rindoñ se bhī tū ne paak ai zāhid
ki ye be-dāġh mai-ḳhāne kī āb-o-gil meñ rahte haiñ
muhīt-e-'ishq kī har mauj tūfāñ-ḳhez aisī hai
vo haiñ girdāb meñ jo dāman-e-sāhil meñ rahte haiñ
ḳhudā rakkhe mohabbat ne kiye ābād donoñ ghar
maiñ un ke dil meñ rahtā huuñ vo mere dil meñ rahte haiñ
jo hotī ḳhūb-sūrat to na chhuptī qais se lailā
magar aise hī vaise parda-e-mahmil meñ rahte haiñ
hamāre saa.e se bachtā hai har ik bazm meñ us kī
hameñ dekho ki ham tanhā bharī mahfil meñ rahte haiñ
surāġh-e-mehr-o-ulfat ġhair ke dil meñ na pā.eñge
'abas vo raat din is sa.ī-e-be-hāsil meñ rahte haiñ
butoñ ko mahram-e-asrār tū ne kyuuñ kiyā yā rab
ki ye kāfir har ik ḳhalvat-sarā-e-dil meñ rahte haiñ
falak dushman huā gardish-zadoñ ko jab milī rāhat
ziyāda raah se khaTke mujhe manzil meñ rahte haiñ
tan-āsānī kahāñ taqdīr meñ ham dil-giraftoñ kī
ḳhudā par ḳhuub raushan hai ki jis mushkil meñ rahte haiñ
بتان ماہ وش اجڑی ہوئی منزل میں رہتے ہیں
کہ جس کی جان جاتی ہے اسی کے دل میں رہتے ہیں
ہزاروں داغ پنہاں عاشقوں کے دل میں رہتے ہیں
شرر پتھر کی صورت ان کی آب و گل میں رہتے ہیں
زمیں پر پاؤں نفرت سے نہیں رکھتے پری پیکر
یہ گویا اس مکاں کی دوسری منزل میں رہتے ہیں
محبت میں مزا ہے چھیڑ کا لیکن مزے کی ہو
ہزاروں لطف ہر اک شکوۂ باطل میں رہتے ہیں
خدا رکھے سلامت جن کو ان کو موت کب آئے
تڑپتے لوٹتے ہم کوچۂ قاتل میں رہتے ہیں
ہزاروں حسرتیں وہ ہیں کہ روکے سے نہیں رکتیں
بہت ارمان ایسے ہیں کہ دل کے دل میں رہتے ہیں
یہاں تک تھک گئے ہیں چلتے چلتے تیرے ہاتھوں سے
کہ اب چھپ چھپ کے ناوک سینۂ بسمل میں رہتے ہیں
نہ دیکھے ہوں گے رندوں سے بھی تو نے پاک اے زاہد
کہ یہ بے داغ مے خانے کی آب و گل میں رہتے ہیں
محیط عشق کی ہر موج طوفاں خیز ایسی ہے
وہ ہیں گرداب میں جو دامن ساحل میں رہتے ہیں
خدا رکھے محبت نے کیے آباد دونوں گھر
میں ان کے دل میں رہتا ہوں وہ میرے دل میں رہتے ہیں
جو ہوتی خوبصورت تو نہ چھپتی قیس سے لیلیٰ
مگر ایسے ہی ویسے پردۂ محمل میں رہتے ہیں
ہمارے سائے سے بچتا ہے ہر اک بزم میں اس کی
ہمیں دیکھو کہ ہم تنہا بھری محفل میں رہتے ہیں
سراغ مہر و الفت غیر کے دل میں نہ پائیں گے
عبث وہ رات دن اس سعیٔ بے حاصل میں رہتے ہیں
بتوں کو محرم اسرار تو نے کیوں کیا یا رب
کہ یہ کافر ہر اک خلوت سرائے دل میں رہتے ہیں
فلک دشمن ہوا گردش زدوں کو جب ملی راحت
زیادہ راہ سے کھٹکے مجھے منزل میں رہتے ہیں
تن آسانی کہاں تقدیر میں ہم دل گرفتوں کی
خدا پر خوب روشن ہے کہ جس مشکل میں رہتے ہیں