बुतान-ए-माह-वश उजड़ी हुई मंज़िल में रहते हैं
कि जिस की जान जाती है उसी के दिल में रहते हैं
ज़मीं पर पाँव नफ़रत से नहीं रखते परी-पैकर
ये गोया इस मकाँ की दूसरी मंज़िल में रहते हैं
मुहीत-ए-इश्क़ की हर मौज तूफ़ाँ-ख़ेज़ ऐसी है
वो हैं गिर्दाब में जो दामन-ए-साहिल में रहते हैं
ख़ुदा रक्खे मोहब्बत ने किए आबाद दोनों घर
मैं उन के दिल में रहता हूँ वो मेरे दिल में रहते हैं
जो होती ख़ूब-सूरत तो न छुपती क़ैस से लैला
मगर ऐसे ही वैसे पर्दा-ए-महमिल में रहते हैं
हमारे साए से बचता है हर इक बज़्म में उस की
हमें देखो कि हम तन्हा भरी महफ़िल में रहते हैं
कोई नाम-ओ-निशाँ पूछे तो ऐ क़ासिद बता देना
तख़ल्लुस 'दाग़' है वो आशिक़ों के दिल में रहते हैं
butān-e-māh-vash ujḌī huī manzil meñ rahte haiñ
ki jis kī jaan jaatī hai usī ke dil meñ rahte haiñ
zamīñ par paañv nafrat se nahīñ rakhte parī-paikar
ye goyā is makāñ kī dūsrī manzil meñ rahte haiñ
muhīt-e-ishq kī har mauj tūfāñ-ḳhez aisī hai
vo haiñ girdāb meñ jo dāman-e-sāhil meñ rahte haiñ
ḳhudā rakkhe mohabbat ne kiye ābād donoñ ghar
maiñ un ke dil meñ rahtā huuñ vo mere dil meñ rahte haiñ
jo hotī ḳhūb-sūrat to na chhuptī qais se lailā
magar aise hī vaise parda-e-mahmil meñ rahte haiñ
hamāre saa.e se bachtā hai har ik bazm meñ us kī
hameñ dekho ki ham tanhā bharī mahfil meñ rahte haiñ
koī nām-o-nishāñ pūchhe to ai qāsid batā denā
taḳhallus 'dāġh' hai vo āshiqoñ ke dil meñ rahte haiñ
بتان ماہ وش اجڑی ہوئی منزل میں رہتے ہیں
کہ جس کی جان جاتی ہے اسی کے دل میں رہتے ہیں
زمیں پر پاؤں نفرت سے نہیں رکھتے پری پیکر
یہ گویا اس مکاں کی دوسری منزل میں رہتے ہیں
محیط عشق کی ہر موج طوفاں خیز ایسی ہے
وہ ہیں گرداب میں جو دامن ساحل میں رہتے ہیں
خدا رکھے محبت نے کئے آباد دونوں گھر
میں ان کے دل میں رہتا ہوں وہ میرے دل میں رہتے ہیں
جو ہوتی خوبصورت تو نہ چھپتی قیس سے لیلیٰ
مگر ایسے ہی ویسے پردۂ محمل میں رہتے ہیں
ہمارے سائے سے بچتا ہے ہر اک بزم میں اس کی
ہمیں دیکھو کہ ہم تنہا بھری محفل میں رہتے ہیں
کوئی نام و نشاں پوچھے تو اے قاصد بتا دینا
تخلص داغؔ ہے وہ عاشقوں کے دل میں رہتے ہیں