बुत-कदा नज़दीक काबा दूर था
मैं इधर ही रह गया मजबूर था
शाम ही से हम कहीं जाते थे रोज़
मुद्दतों अपना यही दस्तूर था
वो किया जिस में ख़ुशी थी आप की
वो हुआ जो आप को मंज़ूर था
कुछ अदब से रह गए नाले इधर
क्या बताएँ अर्श कितनी दूर था
जिस घड़ी था उस के जल्वे का ज़ुहूर
अर्श का हम-संग कोह-ए-तूर था
इक हसीं का आ गया जो तज़्किरा
देर तक महफ़िल में ज़िक्र-ए-हूर था
वस्ल की शब थी शब-ए-मेराज क्या
दूर तक फैला हुआ इक नूर था
हर कस-ओ-ना-कस से क्या मिलती निगाह
अपनी आँखों में बुत-ए-मग़रूर था
उम्र भर फ़िक्र-ए-सुख़न में था 'हफ़ीज़'
शाएरी का दिल में इक नासूर था
but-kada nazdīk ka.aba duur thā
maiñ idhar hī rah gayā majbūr thā
shaam hī se ham kahīñ jaate the roz
muddatoñ apnā yahī dastūr thā
vo kiyā jis meñ ḳhushī thī aap kī
vo huā jo aap ko manzūr thā
kuchh adab se rah ga.e naale idhar
kyā batā.eñ arsh kitnī duur thā
jis ghaḌī thā us ke jalve kā zuhūr
arsh kā ham-sang koh-e-tūr thā
ik hasīñ kā aa gayā jo tazkira
der tak mahfil meñ zikr-e-hūr thā
vasl kī shab thī shab-e-me.arāj kyā
duur tak phailā huā ik nuur thā
har kas-o-nā-kas se kyā miltī nigāh
apnī āñkhoñ meñ but-e-maġhrūr thā
umr bhar fikr-e-suḳhan meñ thā 'hafīz'
shā.erī kā dil meñ ik nāsūr thā
بت کدہ نزدیک کعبہ دور تھا
میں ادھر ہی رہ گیا مجبور تھا
شام ہی سے ہم کہیں جاتے تھے روز
مدتوں اپنا یہی دستور تھا
وہ کیا جس میں خوشی تھی آپ کی
وہ ہوا جو آپ کو منظور تھا
کچھ ادب سے رہ گئے نالے ادھر
کیا بتائیں عرش کتنی دور تھا
جس گھڑی تھا اس کے جلوے کا ظہور
عرش کا ہم سنگ کوہ طور تھا
اک حسیں کا آ گیا جو تذکرہ
دیر تک محفل میں ذکر حور تھا
وصل کی شب تھی شب معراج کیا
دور تک پھیلا ہوا اک نور تھا
ہر کس و ناکس سے کیا ملتی نگاہ
اپنی آنکھوں میں بت مغرور تھا
عمر بھر فکر سخن میں تھا حفیظؔ
شاعری کا دل میں اک ناسور تھا