बसा के तुझ को ख़यालों में प्यार करते रहे
जो सारी रात तिरा इंतिज़ार करते रहे
सजा के हिज्र के गुलशन में तेरी याद के फूल
ख़िज़ाँ की रुत को भी फ़स्ल-ए-बहार करते रहे
शहीद हैं वो ख़ुदा की क़सम शहीद हैं वो
जो तेरी राह में जाँ जाँ निसार करते रहे
लो प्यार आ ही गया उन को भी दम-ए-आख़िर
गले लगा के वो ख़ंजर से वार करते रहे
मुझे तो अपनी मोहब्बत पे ए'तिबार न था
वो कौन थे जो मिरा ए'तिबार करते रहे
हाँ जी गए हैं वही लोग ज़िंदगी 'हैदर'
जो राह-ए-'इश्क़ से हर दम फ़रार करते रहे
basā ke tujh ko ḳhayāloñ meñ pyaar karte rahe
jo saarī raat tirā intizār karte rahe
sajā ke hijr ke gulshan meñ terī yaad ke phuul
ḳhizāñ kī rut ko bhī fasl-e-bahār karte rahe
shahīd haiñ vo ḳhudā kī qasam shahīd haiñ vo
jo terī raah meñ jaañ jaañ nisār karte rahe
lo pyaar aa hī gayā un ko bhī dam-e-āḳhir
gale lagā ke vo ḳhanjar se vaar karte rahe
mujhe to apnī mohabbat pe e'tibār na thā
vo kaun the jo mirā e'tibār karte rahe
haañ jī ga.e haiñ vahī log zindagī 'haidar'
jo rāh-e-'ishq se har dam farār karte rahe
بسا کے تجھ کو خیالوں میں پیار کرتے رہے
جو ساری رات ترا انتظار کرتے رہے
سجا کے ہجر کے گلشن میں تیری یاد کے پھول
خزاں کی رت کو بھی فصل بہار کرتے رہے
شہید ہیں وہ خدا کی قسم شہید ہیں وہ
جو تیری راہ میں جاں جاں نثار کرتے رہے
لو پیار آ ہی گیا ان کو بھی دم آخر
گلے لگا کے وہ خنجر سے وار کرتے رہے
مجھے تو اپنی محبت پہ اعتبار نہ تھا
وہ کون تھے جو مرا اعتبار کرتے رہے
ہاں جی گئے ہیں وہی لوگ زندگی حیدرؔ
جو راہ عشق سے ہر دم فرار کرتے رہے