अजनबी है वो मगर यार भी लगता है मुझे
एक दरवाज़ा जो दीवार भी लगता है मुझे
मुद्दतों में भी नहीं लगता कभी ज़ख़्म-ए-गुरेज़
और इक शब में कई बार भी लगता है मुझे
नज़र-अंदाज़ भी कर देता है वो शख़्स कभी
अपना होना कभी बे-कार भी लगता है मुझे
जितनी दिलचस्पी दिखाता है मसीहा मेरा
थोड़ा थोड़ा मिरा बीमार भी लगता है मुझे
लोग जो तेरा बुरा चाहते हैं शहज़ादी
उन में से इक तिरा सालार भी लगता है मुझे
शाहज़ादी मुझे लगता है दिलासा तेरा
शाहज़ादी तिरा रुख़्सार भी लगता है मुझे
अपने जज़्बात छुपाने पे भी शर्मिंदा हूँ
और झूटा तिरा 'इनकार' भी लगता है मुझे
बात यूँ है वो मिरा मरहम-ए-तन्हाई है
वो भले दरपय-ए-आज़ार भी लगता है मुझे
कभी महज़ आँखें बिछा लेता हूँ तेरी रह में
और कभी कम मिरा घर-बार भी लगता है मुझे
तेरा इन हालों मिरे साथ गुज़ारा करना
'इश्क़ भी लगता है ईसार भी लगता है मुझे
ajnabī hai vo magar yaar bhī lagtā hai mujhe
ek darvāza jo dīvār bhī lagtā hai mujhe
muddatoñ meñ bhī nahīñ lagtā kabhī zaḳhm-e-gurez
aur ik shab meñ ka.ī baar bhī lagtā hai mujhe
nazar-andāz bhī kar detā hai vo shaḳhs kabhī
apnā honā kabhī be-kār bhī lagtā hai mujhe
jitnī dilchaspī dikhātā hai masīhā merā
thoḌā thoḌā mirā bīmār bhī lagtā hai mujhe
log jo terā burā chāhte haiñ shahzādī
un meñ se ik tirā sālār bhī lagtā hai mujhe
shāhzādī mujhe lagtā hai dilāsa terā
shāhzādī tirā ruḳhsār bhī lagtā hai mujhe
apne jazbāt chhupāne pe bhī sharminda huuñ
aur jhūTā tirā 'inkār' bhī lagtā hai mujhe
baat yuuñ hai vo mirā marham-e-tanhā.ī hai
vo bhale darpai-e-āzār bhī lagtā hai mujhe
kabhī mahz āñkheñ bichhā letā huuñ terī rah meñ
aur kabhī kam mirā ghar-bār bhī lagtā hai mujhe
terā in hāloñ mire saath guzāra karnā
'ishq bhī lagtā hai īsār bhī lagtā hai mujhe
اجنبی ہے وہ مگر یار بھی لگتا ہے مجھے
ایک دروازہ جو دیوار بھی لگتا ہے مجھے
مدتوں میں بھی نہیں لگتا کبھی زخم گریز
اور اک شب میں کئی بار بھی لگتا ہے مجھے
نظر انداز بھی کر دیتا ہے وہ شخص کبھی
اپنا ہونا کبھی بے کار بھی لگتا ہے مجھے
جتنی دلچسپی دکھاتا ہے مسیحا میرا
تھوڑا تھوڑا مرا بیمار بھی لگتا ہے مجھے
لوگ جو تیرا برا چاہتے ہیں شہزادی
ان میں سے اک ترا سالار بھی لگتا ہے مجھے
شاہزادی مجھے لگتا ہے دلاسہ تیرا
شاہزادی ترا رخسار بھی لگتا ہے مجھے
اپنے جذبات چھپانے پہ بھی شرمندہ ہوں
اور جھوٹا ترا انکار بھی لگتا ہے مجھے
بات یوں ہے وہ مرا مرہم تنہائی ہے
وہ بھلے درپئے آزار بھی لگتا ہے مجھے
کبھی محض آنکھیں بچھا لیتا ہوں تیری رہ میں
اور کبھی کم مرا گھر بار بھی لگتا ہے مجھے
تیرا ان حالوں مرے ساتھ گزارہ کرنا
عشق بھی لگتا ہے ایثار بھی لگتا ہے مجھے