आँसू बहा के देख चुका कुछ हुआ नहीं
ख़ुद को मिटा के देख लिया कुछ मिला नहीं
ता'मीर-ए-ज़िंदगी के लिए क्या नहीं किया
फिर भी ये ए'तिराज़ कि कुछ भी किया नहीं
मुझ को मिरे ख़ुदा से गिले हैं कई मगर
मुझ को मु'आशरे से ज़रा भी गिला नहीं
चौबीस साल ख़त्म हुए 'उम्र के मगर
घर से निकल के चार क़दम मैं चला नहीं
थी काम की तलाश मुझे एक 'उम्र से
लेकिन दुरुस्त काम कहीं भी मिला नहीं
'महफ़ूज़' एक शख़्स अभी तक जहाँ में है
या'नी वो ना-मुराद अभी तक मरा नहीं
aañsū bahā ke dekh chukā kuchh huā nahīñ
ḳhud ko miTā ke dekh liyā kuchh milā nahīñ
tā'mīr-e-zindagī ke liye kyā nahīñ kiyā
phir bhī ye e'tirāz ki kuchh bhī kiyā nahīñ
mujh ko mire ḳhudā se gile haiñ ka.ī magar
mujh ko mu'āshre se zarā bhī gila nahīñ
chaubīs saal ḳhatm hue 'umr ke magar
ghar se nikal ke chaar qadam maiñ chalā nahīñ
thī kaam kī talāsh mujhe ek 'umr se
lekin durust kaam kahīñ bhī milā nahīñ
'mahfūz' ek shaḳhs abhī tak jahāñ meñ hai
yā'nī vo nā-murād abhī tak marā nahīñ
آنسو بہا کے دیکھ چکا کچھ ہوا نہیں
خود کو مٹا کے دیکھ لیا کچھ ملا نہیں
تعمیر زندگی کے لیے کیا نہیں کیا
پھر بھی یہ اعتراض کہ کچھ بھی کیا نہیں
مجھ کو مرے خدا سے گلے ہیں کئی مگر
مجھ کو معاشرے سے ذرا بھی گلہ نہیں
چوبیس سال ختم ہوئے عمر کے مگر
گھر سے نکل کے چار قدم میں چلا نہیں
تھی کام کی تلاش مجھے ایک عمر سے
لیکن درست کام کہیں بھی ملا نہیں
محفوظؔ ایک شخص ابھی تک جہاں میں ہے
یعنی وہ نامراد ابھی تک مرا نہیں