ज़िंदे वही हैं जो कि हैं तुम पर मरे हुए
बाक़ी जो हैं सो क़ब्र में मुर्दे भरे हुए
मस्त-ए-अलस्त क़ुल्ज़ुम-ए-हस्ती में आए हैं
मिस्ल-ए-हबाब अपना पियाला भरे हुए
अल्लाह-रे सफा-ए-तन-ए-नाज़नीन-ए-यार
मोती हैं कूट कूट के गोया भरे हुए
दो दिन से पाँव जो नहीं दबवाए यार ने
बैठे हैं हाथ हाथ के ऊपर धरे हुए
इन अब्रूओं के हल्क़ा में वो अँखड़ियाँ नहीं
दो ताक़ पर हैं दो गुल-ए-नर्गिस धरे हुए
ब'अद-ए-फ़ना भी आएगी मुझ मस्त को न नींद
बे-ख़िश्त-ए-ख़म लहद में सिरहाने धरे हुए
निकलें जो अश्क बे-असर आँखों से क्या अजब
पैदा हुए हैं तिफ़्ल हज़ारों मरे हुए
लिक्खे गए बयाज़ों में अशआर-ए-इंतिख़ाब
राइज रहे वही कि जो सिक्के खरे हुए
उल्टा सफ़ों को तेग़ ने अबरू-ए-यार की
तीर-ए-मिज़ा से दरहम-ओ-बरहम परे हुए
'आतिश' ख़ुदा ने चाहा तो दरिया-ए-इश्क़ में
कूदे जो अब की हम तो वरे से परे हुए
zinde vahī haiñ jo ki haiñ tum par mare hue
baaqī jo haiñ so qabr meñ murde bhare hue
mast-e-alast qulzum-e-hastī meñ aa.e haiñ
misl-e-habāb apnā piyāla bhare hue
allāh-re safā-e-tan-e-nāznīn-e-yār
motī haiñ kuuT kuuT ke goyā bhare hue
do din se paañv jo nahīñ dabvā.e yaar ne
baiThe haiñ haath haath ke uupar dhare hue
in abrūoñ ke halqa meñ vo añkhḌiyāñ nahīñ
do taaq par haiñ do gul-e-nargis dhare hue
ba.ad-e-fanā bhī aa.egī mujh mast ko na niiñd
be-ḳhisht-e-ḳham lahad meñ sirhāne dhare hue
nikleñ jo ashk be-asar āñkhoñ se kyā ajab
paidā hue haiñ tifl hazāroñ mare hue
likkhe ga.e bayāzoñ meñ ash.ār-e-intiḳhāb
raa.ij rahe vahī ki jo sikke khare hue
ulTā safoñ ko teġh ne abrū-e-yār kī
tīr-e-mizha se darham-o-barham pare hue
'ātish' ḳhudā ne chāhā to dariyā-e-ishq meñ
kuude jo ab kī ham to vare se pare hue
زندے وہی ہیں جو کہ ہیں تم پر مرے ہوے
باقی جو ہیں سو قبر میں مردے بھرے ہوئے
مست الست قلزم ہستی میں آئے ہیں
مثل حباب اپنا پیالہ بھرے ہوئے
اللہ رے صفائے تن نازنین یار
موتی ہیں کوٹ کوٹ کے گویا بھرے ہوئے
دو دن سے پاؤں جو نہیں دبوائے یار نے
بیٹھے ہیں ہاتھ ہاتھ کے اوپر دھرے ہوئے
ان ابروؤں کے حلقہ میں وہ انکھڑیاں نہیں
دو طاق پر ہیں دو گل نرگس دھرے ہوئے
بعد فنا بھی آئے گی مجھ مست کو نہ نیند
بے خشت خم لحد میں سرہانے دھرے ہوئے
نکلیں جو اشک بے اثر آنکھوں سے کیا عجب
پیدا ہوئے ہیں طفل ہزاروں مرے ہوئے
لکھے گئے بیاضوں میں اشعار انتخاب
رائج رہے وہی کہ جو سکے کھرے ہوئے
الٹا صفوں کو تیغ نے ابروئے یار کی
تیر مژہ سے درہم و برہم پرے ہوئے
آتشؔ خدا نے چاہا تو دریائے عشق میں
کودے جو اب کی ہم تو ورے سے پرے ہوئے