आख़िर-ए-कार चले तीर की रफ़्तार क़दम
ग़ैर मंज़िल न पड़े राह में ज़िन्हार क़दम
उठ गए वस्ल की शब पेशतर-अज़-यार क़दम
आगे हम उम्र-ए-रवाँ से भी चले चार क़दम
कू-ए-मक़्सूद से यूँ रखती है ग़फ़लत मुझे दूर
जैसे सो जाने से हो जाते हैं बे-कार क़दम
अहल-ए-आलम में हूँ मैं ज़िंदों में मुर्दों की तरह
बढ़ चलें लाख मगर साथ हैं दो चार क़दम
एक मुद्दत से रह-ए-काबा में आवारा हैं
क्या ख़ुदा का मुझे दिखलाएँगे दीदार क़दम
जोश-ए-वहशत में भी मैं चढ़ के न उस पर दौड़ा
ले गए हसरत-ए-ख़ार-ए-सर-ए-दीवार क़दम
सूरत-ए-बर्ग-ए-ख़िज़ाँ झड़ते हैं हर गाम गुनाह
जब उठाते हैं तिरी राह में ज़व्वार क़दम
ऐ जुनूँ कोह-ए-बयाबान भी दिखला मुझ को
रहें पस्ती ओ बुलंदी से ख़बर-दार क़दम
कूचा-गर्दी ये शब-ओ-रोज़ की बे-वज्ह नहीं
एड़ियाँ रगड़ेंगे किस के पस-ए-दीवार क़दम
जादा-ए-राह-ए-मोहब्बत को ख़त-ए-मुस्तर जान
सर के बल मिस्ल-ए-क़दम चल जो हों बे-कार क़दम
ख़ाक भी हूँ तो हूँ ख़ाक-ए-दर उस का 'आतिश'
जिस के थे दोश-ए-पयम्बर के सज़ा-वार क़दम
āḳhir-e-kār chale tiir kī raftār qadam
ġhair manzil na paḌe raah meñ zinhār qadam
uTh ga.e vasl kī shab peshtar-az-yār qadam
aage ham umr-e-ravāñ se bhī chale chaar qadam
kū-e-maqsūd se yuuñ rakhtī hai ġhaflat mujhe duur
jaise so jaane se ho jaate haiñ be-kār qadam
ahl-e-ālam meñ huuñ maiñ zindoñ meñ murdoñ kī tarah
baḌh chaleñ laakh magar saath haiñ do chaar qadam
ek muddat se rah-e-kāba meñ āvāra haiñ
kyā ḳhudā kā mujhe dikhlā.eñge dīdār qadam
josh-e-vahshat meñ bhī maiñ chaḌh ke na us par dauḌā
le ga.e hasrat-e-ḳhār-e-sar-e-dīvār qadam
sūrat-e-barg-e-ḳhizāñ jhaḌte haiñ har gaam gunāh
jab uThāte haiñ tirī raah meñ zavvār qadam
ai junūñ koh-o-bayābān bhī dikhlā mujh ko
raheñ pastī o bulandī se ḳhabar-dār qadam
kūcha-gardī ye shab-o-roz kī be-vaj.h nahīñ
eḌiyāñ ragḌeñge kis ke pas-e-dīvār qadam
jāda-e-rāh-e-mohabbat ko ḳhat-e-mustar jaan
sar ke bal misl-e-qadam chal jo hoñ be-kār qadam
ḳhaak bhī huuñ to huuñ ḳhāk-e-dar us kā 'ātish'
jis ke the dosh-e-payambar ke sazā-vār qadam
آخر کار چلے تیر کی رفتار قدم
غیر منزل نہ پڑے راہ میں زنہار قدم
اٹھ گئے وصل کی شب پیشتر از یار قدم
آگے ہم عمر رواں سے بھی چلے چار قدم
کوئے مقصود سے یوں رکھتی ہے غفلت مجھے دور
جیسے سو جانے سے ہو جاتے ہیں بیکار قدم
اہل عالم میں ہوں میں زندوں میں مردوں کی طرح
بڑھ چلیں لاکھ مگر ساتھ ہیں دو چار قدم
ایک مدت سے رہ کعبہ میں آوارہ ہیں
کیا خدا کا مجھے دکھلائیں گے دیدار قدم
جوش وحشت میں بھی میں چڑھ کے نہ اس پر دوڑا
لے گئے حسرت خار سر دیوار قدم
صورت برگ خزاں جھڑتے ہیں ہر گام گناہ
جب اٹھاتے ہیں تری راہ میں زوار قدم
اے جنوں کوہ و بیابان بھی دکھلا مجھ کو
رہیں پستی و بلندی سے خبردار قدم
کوچہ گردی یہ شب و روز کی بے وجہ نہیں
ایڑیاں رگڑیں گے کس کے پس دیوار قدم
جادۂ راہ محبت کو خط مسطر جان
سر کے بل مثل قدم چل جو ہوں بیکار قدم
خاک بھی ہوں تو ہوں خاک در اس کا آتشؔ
جس کے تھے دوش پیمبر کے سزا وار قدم