आइना सीना-ए-साहब-नज़राँ है कि जो था
चेहरा-ए-शाहिद-ए-मक़्सूद अयाँ है कि जो था
इश्क़-ए-गुल में वही बुलबुल का फ़ुग़ाँ है कि जो था
परतव-ए-मह से वही हाल-ए-कताँ है कि जो था
आलम-ए-हुस्न ख़ुदा-दाद-ए-बुताँ है कि जो था
नाज़-ओ-अंदाज़ बला-ए-दिल-ओ-जाँ है कि जो था
राह में तेरी शब-ओ-रोज़ बसर करता हूँ
वही मील और वही संग-ए-निशाँ है कि जो था
रोज़ करते हैं शब-ए-हिज्र को बेदारी में
अपनी आँखों में सुबुक ख़्वाब-ए-गिराँ है कि जो था
एक आलम में हो हर-चंद मसीहा मशहूर
नाम-ए-बीमार से तुम को ख़फ़क़ाँ है कि जो था
दौलत-ए-इश्क़ का गंजीना वही सीना है
दाग़-ए-दिल ज़ख़्म-ए-जिगर मोहर-ओ-निशाँ है कि जो था
नाज़-ओ-अंदाज़-ओ-अदा से तुम्हें शर्म आने लगी
आरज़ी हुस्न का आलम वो कहाँ है कि जो था
जाँ की तस्कीं के लिए हालत-ए-दिल कहते हैं
बे यक़ीनी का तिरी हम को गुमाँ है कि जो था
असर-ए-मंज़िल-ए-मक़्सूद नहीं दुनिया में
राह में क़ाफ़िला-ए-रेग-ए-रवाँ है कि जो था
दहन उस रू-ए-किताबी में है पर ना-पैदा
इस्म-ए-आज़म वही क़ुरआँ में निहाँ है कि जो था
काबा-ए-मद्द-ए-नज़र क़िबला-नुमा है ता-हाल
कू-ए-जानाँ की तरफ़ दिल निगराँ है कि जो था
कोह-ओ-सहरा-ओ-गुलिस्ताँ में फिरा करता है
मुतलाशी वो तिरा आब-ए-रवाँ है कि जो था
सोज़िश-ए-दिल से तसलसुल है वही आहों का
ऊद के जलने से मुजमिर में धुआँ है कि जो था
रात कट जाती है बातें वही सुनते सुनते
शम-ए-महफ़िल सनम-ए-चर्ब-ज़बाँ है कि जो था
पा-ए-ख़म मस्तों के हू-हक़ का जो आलम है सो है
सर-ए-मिंबर वही वाइ'ज़ का बयाँ है कि जो था
कौन से दिन नई क़ब्रें नहीं इस में बनतीं
ये ख़राबा वही इबरत का मकाँ है कि जो था
बे-ख़बर शौक़ से मेरे नहीं वो नूर-ए-निगाह
क़ासिद-ए-अश्क शब-ओ-रोज़ वहाँ है कि जो था
लैलतुल-क़द्र किनाया न शब-ए-वस्ल से हो
उस का अफ़्साना मियान-ए-रमज़ाँ है कि जो था
दीन-ओ-दुनिया का तलबगार हनूज़ 'आतिश' है
ये गदा साइल-ए-नक़्द-ए-दो-जहाँ है कि जो था
aa.ina sīna-e-sāhab-nazarāñ hai ki jo thā
chehra-e-shāhid-e-maqsūd ayaañ hai ki jo thā
ishq-e-gul meñ vahī bulbul kā fuġhāñ hai ki jo thā
partav-e-mah se vahī hāl-e-katāñ hai ki jo thā
ālam-e-husn ḳhudā-dād-e-butāñ hai ki jo thā
nāz-o-andāz balā-e-dil-o-jāñ hai ki jo thā
raah meñ terī shab-o-roz basar kartā huuñ
vahī miil aur vahī sañg-e-nishāñ hai ki jo thā
roz karte haiñ shab-e-hijr ko bedārī meñ
apnī āñkhoñ meñ subuk ḳhvāb-e-girāñ hai ki jo thā
ek aalam meñ ho har-chand masīhā mash.hūr
nām-e-bīmār se tum ko ḳhafaqāñ hai ki jo thā
daulat-e-ishq kā ganjīna vahī siina hai
dāġh-e-dil zaḳhm-e-jigar mohr-o-nishāñ hai ki jo thā
nāz-o-andāz-o-adā se tumheñ sharm aane lagī
aarzī husn kā aalam vo kahāñ hai ki jo thā
jaañ kī taskīñ ke liye hālat-e-dil kahte haiñ
be yaqīnī kā tirī ham ko gumāñ hai ki jo thā
asar-e-manzil-e-maqsūd nahīñ duniyā meñ
raah meñ qāfila-e-reg-e-ravāñ hai ki jo thā
dahan us rū-e-kitābī meñ hai par nā-paidā
ism-e-āzam vahī qur.āñ meñ nihāñ hai ki jo thā
ka.aba-e-madd-e-nazar qibla-numā hai tā-hāl
kū-e-jānāñ kī taraf dil nigarāñ hai ki jo thā
koh-o-sahrā-o-gulistāñ meñ phirā kartā hai
mutalāshī vo tirā āb-e-ravāñ hai ki jo thā
sozish-e-dil se tasalsul hai vahī aahoñ kā
uud ke jalne se mujmir meñ dhuāñ hai ki jo thā
raat kaT jaatī hai bāteñ vahī sunte sunte
sham-e-mahfil sanam-e-charb-zabāñ hai ki jo thā
pā-e-ḳham mastoñ ke hū-haq kā jo aalam hai so hai
sar-e-mimbar vahī vaa.iz kā bayāñ hai ki jo thā
kaun se din na.ī qabreñ nahīñ is meñ bantīñ
ye ḳharāba vahī ibrat kā makāñ hai ki jo thā
be-ḳhabar shauq se mere nahīñ vo nūr-e-nigāh
qāsid-e-ashk shab-o-roz vahāñ hai ki jo thā
lailatul-qadr kināya na shab-e-vasl se ho
us kā afsāna miyān-e-ramazāñ hai ki jo thā
dīn-o-duniyā kā talabgār hanūz 'ātish' hai
ye gadā sā.il-e-nadq-e-do-jahāñ hai ki jo thā
آئنہ سینۂ صاحب نظراں ہے کہ جو تھا
چہرۂ شاہد مقصود عیاں ہے کہ جو تھا
عشق گل میں وہی بلبل کا فغاں ہے کہ جو تھا
پرتو مہ سے وہی حال کتاں ہے کہ جو تھا
عالم حسن خدا داد بتاں ہے کہ جو تھا
ناز و انداز بلائے دل و جاں ہے کہ جو تھا
راہ میں تیری شب و روز بسر کرتا ہوں
وہی میل اور وہی سنگ نشاں ہے کہ جو تھا
روز کرتے ہیں شب ہجر کو بیداری میں
اپنی آنکھوں میں سبک خواب گراں ہے کہ جو تھا
ایک عالم میں ہو ہر چند مسیحا مشہور
نام بیمار سے تم کو خفقاں ہے کہ جو تھا
دولت عشق کا گنجینہ وہی سینہ ہے
داغ دل زخم جگر مہر و نشاں ہے کہ جو تھا
ناز و انداز و ادا سے تمہیں شرم آنے لگی
عارضی حسن کا عالم وہ کہاں ہے کہ جو تھا
جاں کی تسکیں کے لئے حالت دل کہتے ہیں
بے یقینی کا تری ہم کو گماں ہے کہ جو تھا
اثر منزل مقصود نہیں دنیا میں
راہ میں قافلۂ ریگ رواں ہے کہ جو تھا
دہن اس روئے کتابی میں ہے پر نا پیدا
اسم اعظم وہی قرآں میں نہاں ہے کہ جو تھا
کعبۂ مد نظر قبلہ نما ہے تا حال
کوئے جاناں کی طرف دل نگراں ہے کہ جو تھا
کوہ و صحرا و گلستاں میں پھرا کرتا ہے
متلاشی وہ ترا آب رواں ہے کہ جو تھا
سوزش دل سے تسلسل ہے وہی آہوں کا
عود کے جلنے سے مجمر میں دھواں ہے کہ جو تھا
رات کٹ جاتی ہے باتیں وہی سنتے سنتے
شمع محفل صنم چرب زباں ہے کہ جو تھا
پائے خم مستوں کے ہو حق کا جو عالم ہے سو ہے
سر منبر وہی واعظ کا بیاں ہے کہ جو تھا
کون سے دن نئی قبریں نہیں اس میں بنتیں
یہ خرابہ وہی عبرت کا مکاں ہے کہ جو تھا
بے خبر شوق سے میرے نہیں وہ نور نگاہ
قاصد اشک شب و روز وہاں ہے کہ جو تھا
لیلۃ القدر کنایہ نہ شب وصل سے ہو
اس کا افسانہ میان رمضاں ہے کہ جو تھا
دین و دنیا کا طلب گار ہنوز آتشؔ ہے
یہ گدا سائل نقد دو جہاں ہے کہ جو تھا