आइना-ख़ाना करेंगे दिल-ए-नाकाम को हम
फेरेंगे अपनी तरफ़ रू-ए-दिल-आराम को हम
शाम से सुब्ह तलक दाैर-ए-शराब आख़िर है
रोते हैं देख के ख़ंदाँ दहन-ए-जाम को हम
याद रखने की जगह है ये तिलिस्म-ए-हैरत
सुब्ह को देखते ही भूल गए शाम को हम
आँख वो फ़ितना-ए-दौराँ किसे दिखलाता है
शो'बदा जानते हैं गर्दिश-ए-अय्याम को हम
फ़ित्ना-अंगेज़ी भी छुपती है कहीं पर्दे में
सुनते हैं गब्र ओ मुसलमाँ से तिरे नाम को हम
ख़ून-ए-क़ासिद तो वो सफ़्फ़ाक समझता है हलाल
किसी ग़म्माज़ से भेजवाएँगे पैग़ाम को हम
पाँव पकड़े हैं ज़मीं ने ये तिरे कूचा की
रह-ए-सद-ए-साला समझते हैं अब इक गाम को हम
दीदा-ए-यार कहें क्या उसे कैफ़-ए-मय में
भून कर रोज़ गज़क करते हैं बादाम को हम
बेज़ा-ए-ख़त से हुई उस की कुदूरत दह-चंद
अब सफ़ाई के लिए ढूँडेंगे हज्जाम को हम
यही तहसील-ए-मोहब्बत का है आलम ता-हाल
पुख़्ता करते हैं हनूज़ आरज़ू-ए-ख़ाम को हम
लुत्फ़ हासिल हो जो ज़ुल्फ़ों में गिरफ़्तारी का
मोल लें दिल की असीरी के लिए दाम को हम
कूचा-ए-यार में अपना जो गुज़र होता है
निगराँ रहते हैं हसरत से दर-ओ-बाम को हम
हुस्न से इश्क़ की ख़ातिर है ख़ुदा ने भेजा
करते हैं 'आतिश' उसे आए हैं जिस काम को हम
ā.ina-ḳhāna kareñge dil-e-nākām ko ham
phereñge apnī taraf rū-e-dil-ārām ko ham
shaam se sub.h talak daur-e-sharāb āḳhir hai
rote haiñ dekh ke ḳhandāñ dahan-e-jām ko ham
yaad rakhne kī jagah hai ye tilism-e-hairat
sub.h ko dekhte hī bhuul ga.e shaam ko ham
aañkh vo fitna-e-daurāñ kise dikhlātā hai
sho.abada jānte haiñ gardish-e-ayyām ko ham
fitna-añgezī bhī chhuptī hai kahīñ parde meñ
sunte haiñ gabr o musalmāñ se tire naam ko ham
ḳhūn-e-qāsid to vo saffāk samajhtā hai halāl
kisī ġhammāz se bhejvā.eñge paiġhām ko ham
paañv pakḌe haiñ zamīñ ne ye tire kūcha kī
rah-e-sad-sāla samajhte haiñ ab ik gaam ko ham
dīda-e-yār kaheñ kyā use kaif-e-mai meñ
bhuun kar roz gazak karte haiñ bādām ko ham
beza-e-ḳhat se huī us kī kudūrat dah-chand
ab safā.ī ke liye DhūñDeñge hajjām ko ham
yahī tahsīl-e-mohabbat kā hai aalam tā-hāl
puḳhta karte haiñ hanūz ārzū-e-ḳhām ko ham
lutf hāsil ho jo zulfoñ meñ giraftārī kā
mol leñ dil kī asīrī ke liye daam ko ham
kūcha-e-yār meñ apnā jo guzar hotā hai
nigarāñ rahte haiñ hasrat se dar-o-bām ko ham
husn se ishq kī ḳhātir hai ḳhudā ne bhejā
karte haiñ 'ātish' use aa.e haiñ jis kaam ko ham
آئنہ خانہ کریں گے دل ناکام کو ہم
پھیریں گے اپنی طرف روئے دل آرام کو ہم
شام سے صبح تلک دور شراب آخر ہے
روتے ہیں دیکھ کے خنداں دہن جام کو ہم
یاد رکھنے کی جگہ ہے یہ طلسم حیرت
صبح کو دیکھتے ہی بھول گئے شام کو ہم
آنکھ وہ فتنۂ دوراں کسے دکھلاتا ہے
شعبدہ جانتے ہیں گردش ایام کو ہم
فتنہ انگیزی بھی چھپتی ہے کہیں پردے میں
سنتے ہیں گبر و مسلماں سے ترے نام کو ہم
خون قاصد تو وہ سفاک سمجھتا ہے حلال
کسی غماز سے بھجوائیں گے پیغام کو ہم
پاؤں پکڑے ہیں زمیں نے یہ ترے کوچہ کی
رہ صد سالہ سمجھتے ہیں اب اک گام کو ہم
دیدۂ یار کہیں کیا اسے کیف مے میں
بھون کر روز گزک کرتے ہیں بادام کو ہم
بیزۂ خط سے ہوئی اس کی کدورت دہ چند
اب صفائی کے لیے ڈھونڈیں گے حجام کو ہم
یہی تحصیل محبت کا ہے عالم تا حال
پختہ کرتے ہیں ہنوز آرزوئے خام کو ہم
لطف حاصل ہو جو زلفوں میں گرفتاری کا
مول لیں دل کی اسیری کے لیے دام کو ہم
کوچۂ یار میں اپنا جو گزر ہوتا ہے
نگراں رہتے ہیں حسرت سے در و بام کو ہم
حسن سے عشق کی خاطر ہے خدا نے بھیجا
کرتے ہیں آتشؔ اسے آئے ہیں جس کام کو ہم