आश्ना गोश से उस गुल के सुख़न है किस का
कुछ ज़बाँ से कहे कोई ये दहन है किस का
पेशतर हश्र से होती है क़यामत बरपा
जो चलन चलते हैं ख़ुश-क़द ये चलन है किस का
दस्त-ए-क़ुदरत ने बनाया है तुझे ऐ महबूब
ऐसा ढाला हुआ साँचे में बदन है किस का
किस तरह तुम से न माँगें तुम्हीं इंसाफ़ करो
बोसा लेने का सज़ा-वार दहन है किस का
शादी-ए-मर्ग से फूला मैं समाने का नहीं
गोर कहते हैं किसे नाम कफ़न है किस का
दहन-ए-तंग है मौहूम यक़ीं है किस को
कमर-ए-यार है मा'दूम ये ज़न है किस का
मुफ़्सिदे जो कि हों उस चश्म-ए-सियह से कम हैं
फ़ित्ना-पर्दाज़ी जिसे कहते हैं फ़न है किस का
एक आलम को तिरे इश्क़ में सकता होगा
साफ़ आईना से शफ़्फ़ाफ़ बदन है किस का
हुस्न से दिल तो लगा इश्क़ का बीमार तो हो
फिर ये उन्नाब-ए-लब ओ सेब-ए-ज़क़न है किस का
गुलशन-ए-हुस्न से बेहतर कोई गुलज़ार नहीं
सुम्बुल इस तरह का पुर-पेच-ओ-शिकन है किस का
बाग़-ए-आलम का हर इक गुल है ख़ुदा की क़ुदरत
बाग़बाँ कौन है इस का ये चमन है किस का
ख़ाक में उस को मिलाऊँ उसे बर्बाद करूँ
जान किस की है मिरी जान ये तन है किस का
सर्व सा क़द है नहीं मद्द-ए-नज़र का मेरे
गुल सा रुख़ किस का है ग़ुंचा सा दहन है किस का
क्यूँ न बे-साख़्ता बंदे हों दिल-ओ-जाँ से निसार
क़ुदरत अल्लाह की बे-साख़्ता-पन है किस का
आज ही छूटे जो छुटता ये ख़राबा कल हो
हम ग़रीबों को है क्या ग़म ये वतन है किस का
यार को तुम से मोहब्बत नहीं तो ऐ 'आतिश'
ख़त में अलक़ाब ये फिर मुश्फ़िक़-ए-मन है किस का
āshnā gosh se us gul ke suḳhan hai kis kā
kuchh zabāñ se kahe koī ye dahan hai kis kā
peshtar hashr se hotī hai qayāmat barpā
jo chalan chalte haiñ ḳhush-qad ye chalan hai kis kā
dast-e-qudrat ne banāyā hai tujhe ai mahbūb
aisā Dhālā huā sāñche meñ badan hai kis kā
kis tarah tum se na māñgeñ tumhīñ insāf karo
bosa lene kā sazā-vār dahan hai kis kā
shādi-e-marg se phūlā maiñ samāne kā nahīñ
gor kahte haiñ kise naam kafan hai kis kā
dahan-e-tañg hai mauhūm yaqīñ hai kis ko
kamar-e-yār hai ma.adūm ye zan hai kis kā
mufside jo ki hoñ us chashm-e-siyah se kam haiñ
fitna-pardāzī jise kahte haiñ fan hai kis kā
ek aalam ko tire ishq meñ saktā hogā
saaf ā.īna se shaffāf badan hai kis kā
husn se dil to lagā ishq kā bīmār to ho
phir ye unnāb-e-lab o seb-e-zaqan hai kis kā
gulshan-e-husn se behtar koī gulzār nahīñ
sumbul is tarah kā pur-pech-o-shikan hai kis kā
bāġh-e-ālam kā har ik gul hai ḳhudā kī qudrat
bāġhbāñ kaun hai is kā ye chaman hai kis kā
ḳhaak meñ us ko milā.ūñ use barbād karūñ
jaan kis kī hai mirī jaan ye tan hai kis kā
sarv sā qad hai nahīñ madd-e-nazar kā mere
gul sā ruḳh kis kā hai ġhuncha sā dahan hai kis kā
kyuuñ na be-sāḳhta bande hoñ dil-o-jāñ se nisār
qudrat allāh kī be-sāḳhta-pan hai kis kā
aaj hī chhūTe jo chhuTtā ye ḳharāba kal ho
ham ġharīboñ ko hai kyā ġham ye vatan hai kis kā
yaar ko tum se mohabbat nahīñ to ai 'ātish'
ḳhat meñ alqāb ye phir mushfiq-e-man hai kis kā
آشنا گوش سے اس گل کے سخن ہے کس کا
کچھ زباں سے کہے کوئی یہ دہن ہے کس کا
پیشتر حشر سے ہوتی ہے قیامت برپا
جو چلن چلتے ہیں خوش قد یہ چلن ہے کس کا
دست قدرت نے بنایا ہے تجھے اے محبوب
ایسا ڈھالا ہوا سانچے میں بدن ہے کس کا
کس طرح تم سے نہ مانگیں تمہیں انصاف کرو
بوسہ لینے کا سزا وار دہن ہے کس کا
شادیٔ مرگ سے پھولا میں سمانے کا نہیں
گور کہتے ہیں کسے نام کفن ہے کس کا
دہن تنگ ہے موہوم یقیں ہے کس کو
کمر یار ہے معدوم یہ ظن ہے کس کا
مفسدے جو کہ ہوں اس چشم سیہ سے کم ہیں
فتنہ پردازی جسے کہتے ہیں فن ہے کس کا
ایک عالم کو ترے عشق میں سکتا ہوگا
صاف آئینہ سے شفاف بدن ہے کس کا
حسن سے دل تو لگا عشق کا بیمار تو ہو
پھر یہ عناب لب و سیب ذقن ہے کس کا
گلشن حسن سے بہتر کوئی گل زار نہیں
سنبل اس طرح کا پر پیچ و شکن ہے کس کا
باغ عالم کا ہر اک گل ہے خدا کی قدرت
باغباں کون ہے اس کا یہ چمن ہے کس کا
خاک میں اس کو ملاؤں اسے برباد کروں
جان کس کی ہے مری جان یہ تن ہے کس کا
سرو سا قد ہے نہیں مد نظر کا میرے
گل سا رخ کس کا ہے غنچہ سا دہن ہے کس کا
کیوں نہ بے ساختہ بندے ہوں دل و جاں سے نثار
قدرت اللہ کی بے ساختہ پن ہے کس کا
آج ہی چھوٹے جو چھٹتا یہ خرابہ کل ہو
ہم غریبوں کو ہے کیا غم یہ وطن ہے کس کا
یار کو تم سے محبت نہیں تو اے آتشؔ
خط میں القاب یہ پھر مشفق من ہے کس کا