ज़िंदा रहने की ख़ातिर बेबाक हुआ
हम ने समझा छोड़ो क़िस्सा पाक हुआ
माँ का कहना कब माना था बचपन में
मुझ को इस का अब जा कर इदराक हुआ
वक़्त गुज़रते ये भी मुरझा जाएगा
गुलशन का हर फूल जो ख़ुश-पोशाक हुआ
मुर्दा है जो तैर रहा है दरिया में
जो डूबा बस वही यहाँ तैराक हुआ
हम नादाँ थे बोल बोल कर हार गए
बच्चा ख़ुश था चुप रह कर चालाक हुआ
सच्चाई से आँख मिलाना मुश्किल है
आओ देखो सारा मंज़र ख़ाक हुआ
गर्दिश करते रहना ही क़िस्मत में है
इंसाँ हो या फिर कुम्हार का चाक हुआ
आप 'क़मर' नाहक़ ही शिकवा करते हैं
जल्वा उस का जो जितना सफ़्फ़ाक हुआ
zinda rahne kī ḳhātir bebāk huā
ham ne samjhā chhoḌo qissa paak huā
maañ kā kahnā kab maanā thā bachpan meñ
mujh ko is kā ab jā kar idrāk huā
vaqt guzarte ye bhī murjhā jā.egā
gulshan kā har phuul jo ḳhush-poshāk huā
murda hai jo tair rahā hai dariyā meñ
jo Duubā bas vahī yahāñ tairāk huā
ham nādāñ the bol bol kar haar ga.e
bachcha ḳhush thā chup rah kar chālāk huā
sachchā.ī se aañkh milānā mushkil hai
aao dekho saarā manzar ḳhaak huā
gardish karte rahnā hī qismat meñ hai
insāñ ho yā phir kumhār kā chaak huā
aap 'qamar' nāhaq hī shikva karte haiñ
jalva us kā jo jitnā saffāk huā
زندہ رہنے کی خاطر بے باک ہوا
ہم نے سمجھا چھوڑو قصہ پاک ہوا
ماں کا کہنا کب مانا تھا بچپن میں
مجھ کو اس کا اب جا کر ادراک ہوا
وقت گزرتے یہ بھی مرجھا جائے گا
گلشن کا ہر پھول جو خوش پوشاک ہوا
مردہ ہے جو تیر رہا ہے دریا میں
جو ڈوبا بس وہی یہاں تیراک ہوا
ہم ناداں تھے بول بول کر ہار گئے
بچہ خوش تھا چپ رہ کر چالاک ہوا
سچائی سے آنکھ ملانا مشکل ہے
آؤ دیکھو سارا منظر خاک ہوا
گردش کرتے رہنا ہی قسمت میں ہے
انساں ہو یا پھر کمہار کا چاک ہوا
آپ قمرؔ ناحق ہی شکوہ کرتے ہیں
جلوہ اس کا جو جتنا سفاک ہوا