हो सके तुम से तो शीशे की तरह दिल पिघलाओ
और अगर ये भी न मुमकिन हो तो पत्थर बन जाओ
फिक्र-ओ-एहसास के शो'लों में जला जाता हूँ
तुम भी जल जाओगे यारो मिरे नज़दीक न आओ
मंज़िल-ए-'इश्क़ को आसान समझने वालो
दो क़दम ही दर-ए-जानाँ की तरफ़ चल के दिखाओ
शौक़ से तोड़ो अगर राह में हैं शीश-महल
मेरे फ़ानूस-ए-तख़य्युल पे न पत्थर बरसाओ
इन दिनों छाए फ़ज़ाओं पे हैं काले बादल
ऐसी मायूसी में उम्मीद के कुछ दीप जलाओ
शब-ए-तारीक में चमके कोई जुगनू जैसे
इतना बाक़ी है अभी दिल से तमन्ना का लगाव
'इश्क़ ही 'इश्क़ नज़र आएगा हर सम्त 'क़मर'
भूल कर सारे ज़माने को सर-ए-दार तो आओ
ho sake tum se to shīshe kī tarah dil pighlāo
aur agar ye bhī na mumkin ho to patthar ban jaao
fikr-o-ehsās ke sho'loñ meñ jalā jaatā huuñ
tum bhī jal jāoge yaaro mire nazdīk na aao
manzil-e-'ishq ko āsān samajhne vaalo
do qadam hī dar-e-jānāñ kī taraf chal ke dikhāo
shauq se toḌo agar raah meñ haiñ shīsh-mahal
mere fānūs-e-taḳhayyul pe na patthar barsāo
in dinoñ chhā.e fazāoñ pe haiñ kaale bādal
aisī māyūsī meñ ummīd ke kuchh diip jalāo
shab-e-tārīk meñ chamke koī jugnū jaise
itnā baaqī hai abhī dil se tamanna kā lagāv
'ishq hī 'ishq nazar aa.egā har samt 'qamar'
bhuul kar saare zamāne ko sar-e-dār to aao
ہو سکے تم سے تو شیشے کی طرح دل پگھلاؤ
اور اگر یہ بھی نہ ممکن ہو تو پتھر بن جاؤ
فکر و احساس کے شعلوں میں جلا جاتا ہوں
تم بھی جل جاؤ گے یارو مرے نزدیک نہ آؤ
منزل عشق کو آسان سمجھنے والو
دو قدم ہی در جاناں کی طرف چل کے دکھاؤ
شوق سے توڑو اگر راہ میں ہیں شیش محل
میرے فانوس تخیل پہ نہ پتھر برساؤ
ان دنوں چھائے فضاؤں پہ ہیں کالے بادل
ایسی مایوسی میں امید کے کچھ دیپ جلاؤ
شب تاریک میں چمکے کوئی جگنو جیسے
اتنا باقی ہے ابھی دل سے تمنا کا لگاؤ
عشق ہی عشق نظر آئے گا ہر سمت قمرؔ
بھول کر سارے زمانے کو سر دار تو آؤ