ज़िंदा भी ख़ल्क़ में हूँ मरा भी हुआ हूँ मैं
हूँ मुख़्तलिफ़ भी इस में फँसा भी हुआ हूँ मैं
जो अहल-ए-शहर को किसी सूरत नहीं है रास
ऐसी यहाँ पे आब-ओ-हवा भी हुआ हूँ मैं
आज़ुर्दा क्यूँ हैं अब मिरे शेवन पे अहल-ए-बाग़
कुछ दिन यहाँ पे नग़्मा-सरा भी हुआ हूँ मैं
इन बारिशों की मुझ को तमन्ना भी थी बहुत
दीवार से ज़रा सा मिटा भी हुआ हूँ मैं
रहता हूँ दूर उस के दिल-ए-नर्म से मगर
पत्थर की तरह इस में जुड़ा भी हुआ हूँ मैं
ज़िंदा हूँ फिर भी एक उमीद-ए-बहार पर
पत्ता हूँ और शजर से झड़ा भी हुआ हूँ मैं
रहता नहीं हूँ बोझ किसी पर ज़ियादा देर
कुछ क़र्ज़ था अगर तो अदा भी हुआ हूँ मैं
रखने लगे हैं कुछ नज़र-अंदाज़ भी ये लोग
मंज़र से अपने आप हटा भी हुआ हूँ मैं
इक दूर के सफ़र पे रवाना भी हूँ 'ज़फ़र'
सुस्त-उल-वजूद घर में पड़ा भी हुआ हूँ मैं
zinda bhī ḳhalq meñ huuñ marā bhī huā huuñ maiñ
huuñ muḳhtalif bhī is meñ phañsā bhī huā huuñ maiñ
jo ahl-e-shahr ko kisī sūrat nahīñ hai raas
aisī yahāñ pe āb-o-havā bhī huā huuñ maiñ
āzurda kyuuñ haiñ ab mire shevan pe ahl-e-bāġh
kuchh din yahāñ pe naġhma-sarā bhī huā huuñ maiñ
in bārishoñ kī mujh ko tamannā bhī thī bahut
dīvār se zarā sā miTā bhī huā huuñ maiñ
rahtā huuñ duur us ke dil-e-narm se magar
patthar kī tarah is meñ juḌā bhī huā huuñ maiñ
zinda huuñ phir bhī ek umīd-e-bahār par
pattā huuñ aur shajar se jhaḌā bhī huā huuñ maiñ
rahtā nahīñ huuñ bojh kisī par ziyāda der
kuchh qarz thā agar to adā bhī huā huuñ maiñ
rakhne lage haiñ kuchh nazar-andāz bhī ye log
manzar se apne aap haTā bhī huā huuñ maiñ
ik duur ke safar pe ravāna bhī huuñ 'zafar'
sust-ul-vajūd ghar meñ paḌā bhī huā huuñ maiñ
زندہ بھی خلق میں ہوں مرا بھی ہوا ہوں میں
ہوں مختلف بھی اس میں پھنسا بھی ہوا ہوں میں
جو اہل شہر کو کسی صورت نہیں ہے راس
ایسی یہاں پہ آب و ہوا بھی ہوا ہوں میں
آزردہ کیوں ہیں اب مرے شیون پہ اہل باغ
کچھ دن یہاں پہ نغمہ سرا بھی ہوا ہوں میں
ان بارشوں کی مجھ کو تمنا بھی تھی بہت
دیوار سے ذرا سا مٹا بھی ہوا ہوں میں
رہتا ہوں دور اس کے دل نرم سے مگر
پتھر کی طرح اس میں جڑا بھی ہوا ہوں میں
زندہ ہوں پھر بھی ایک امید بہار پر
پتا ہوں اور شجر سے جھڑا بھی ہوا ہوں میں
رہتا نہیں ہوں بوجھ کسی پر زیادہ دیر
کچھ قرض تھا اگر تو ادا بھی ہوا ہوں میں
رکھنے لگے ہیں کچھ نظر انداز بھی یہ لوگ
منظر سے اپنے آپ ہٹا بھی ہوا ہوں میں
اک دور کے سفر پہ روانہ بھی ہوں ظفرؔ
سست الوجود گھر میں پڑا بھی ہوا ہوں میں