आग का रिश्ता निकल आए कोई पानी के साथ
ज़िंदा रह सकता हूँ ऐसी ही ख़ुश-इम्कानी के साथ
तुम ही बतलाओ कि उस की क़द्र क्या होगी तुम्हें
जो मोहब्बत मुफ़्त में मिल जाए आसानी के साथ
बात है कुछ ज़िंदा रह जाना भी अपना आज तक
लहर थी आसूदगी की भी परेशानी के साथ
चल रहा है काम सारा ख़ूब मिल-जुल कर यहाँ
कुफ़्र भी चिमटा हुआ है जज़्ब-ए-ईमानी के साथ
फ़र्क़ पड़ता है कोई लोगों में रहने से ज़रूर
शहर के आदाब थे अपनी बयाबानी के साथ
ये वो दुनिया है कि जिस का कुछ ठिकाना ही नहीं
हम गुज़ारा कर रहे हैं दुश्मन-ए-जानी के साथ
राएगानी से ज़रा आगे निकल आए हैं हम
इस दफ़ा तो कुछ गिरानी भी है अर्ज़ानी के साथ
अपनी मर्ज़ी से भी हम ने काम कर डाले हैं कुछ
लफ़्ज़ को लड़वा दिया है बेशतर मअ'नी के साथ
फ़ासलों ही फ़ासलों में जान से हारा 'ज़फ़र'
इश्क़ था लाहोरिये को एक मुल्तानी के साथ
aag kā rishta nikal aa.e koī paanī ke saath
zinda rah saktā huuñ aisī hī ḳhush-imkānī ke saath
tum hī batlāo ki us kī qadr kyā hogī tumheñ
jo mohabbat muft meñ mil jaa.e āsānī ke saath
baat hai kuchh zinda rah jaanā bhī apnā aaj tak
lahar thī āsūdgī kī bhī pareshānī ke saath
chal rahā hai kaam saarā ḳhuub mil-jul kar yahāñ
kufr bhī chimTā huā hai jazb-e-īmānī ke saath
farq paḌtā hai koī logoñ meñ rahne se zarūr
shahr ke ādāb the apnī bayābānī ke saath
ye vo duniyā hai ki jis kā kuchh Thikānā hī nahīñ
ham guzāra kar rahe haiñ dushman-e-jānī ke saath
rā.egānī se zarā aage nikal aa.e haiñ ham
is dafa to kuchh girānī bhī hai arzānī ke saath
apnī marzī se bhī ham ne kaam kar Daale haiñ kuchh
lafz ko laḌvā diyā hai beshtar ma.anī ke saath
fāsloñ hī fāsloñ meñ jaan se haarā 'zafar'
ishq thā lāhoriye ko ek multānī ke saath
آگ کا رشتہ نکل آئے کوئی پانی کے ساتھ
زندہ رہ سکتا ہوں ایسی ہی خوش امکانی کے ساتھ
تم ہی بتلاؤ کہ اس کی قدر کیا ہوگی تمہیں
جو محبت مفت میں مل جائے آسانی کے ساتھ
بات ہے کچھ زندہ رہ جانا بھی اپنا آج تک
لہر تھی آسودگی کی بھی پریشانی کے ساتھ
چل رہا ہے کام سارا خوب مل جل کر یہاں
کفر بھی چمٹا ہوا ہے جذب ایمانی کے ساتھ
فرق پڑتا ہے کوئی لوگوں میں رہنے سے ضرور
شہر کے آداب تھے اپنی بیابانی کے ساتھ
یہ وہ دنیا ہے کہ جس کا کچھ ٹھکانا ہی نہیں
ہم گزارہ کر رہے ہیں دشمن جانی کے ساتھ
رائیگانی سے ذرا آگے نکل آئے ہیں ہم
اس دفعہ تو کچھ گرانی بھی ہے ارزانی کے ساتھ
اپنی مرضی سے بھی ہم نے کام کر ڈالے ہیں کچھ
لفظ کو لڑوا دیا ہے بیشتر معنی کے ساتھ
فاصلوں ہی فاصلوں میں جان سے ہارا ظفرؔ
عشق تھا لاہوریے کو ایک ملتانی کے ساتھ