ज़ेहन में कौन से आसेब का डर बाँध लिया
तुम ने पूछा भी नहीं रख़्त-ए-सफ़र बाँध लिया
बे-मकानी की भी तहज़ीब हुआ करती है
उन परिंदों ने भी एक एक शजर बाँध लिया
रास्ते में कहीं गिर जाए तो मजबूरी है
मैं ने दामान-ए-दरीदा में हुनर बाँध लिया
अपने दामन पे नज़र कर मिरे हाथों पे न जा
मैं ने पथराओ किया तू ने समर बाँध लिया
घर खुला छोड़ के चुपके से निकल जाऊँगा
शाम ही से सर-ओ-सामान-ए-सहर बाँध लिया
उम्र भर मैं ने भी साहिल के क़सीदे लिक्खे
मेरे बच्चों ने भी इक रेत का घर बाँध लिया
हार बेदर्द हवाओं से न मानी 'क़ैसर'
बादबाँ फेंक के क़दमों से भँवर बाँध लिया
zehn meñ kaun se aaseb kā Dar bāñdh liyā
tum ne pūchhā bhī nahīñ raḳht-e-safar bāñdh liyā
be-makānī kī bhī tahzīb huā kartī hai
un parindoñ ne bhī ek ek shajar bāñdh liyā
rāste meñ kahīñ gir jaa.e to majbūrī hai
maiñ ne dāmān-e-darīda meñ hunar bāñdh liyā
apne dāman pe nazar kar mire hāthoñ pe na jā
maiñ ne pathrāo kiyā tū ne samar bāñdh liyā
ghar khulā chhoḌ ke chupke se nikal jā.ūñgā
shaam hī se sar-o-sāmān-e-sahar bāñdh liyā
umr bhar maiñ ne bhī sāhil ke qasīde likkhe
mere bachchoñ ne bhī ik ret kā ghar bāñdh liyā
haar bedard havāoñ se na maanī 'qaisar'
bādbāñ pheñk ke qadmoñ se bhañvar bāñdh liyā
ذہن میں کون سے آسیب کا ڈر باندھ لیا
تم نے پوچھا بھی نہیں رخت سفر باندھ لیا
بے مکانی کی بھی تہذیب ہوا کرتی ہے
ان پرندوں نے بھی ایک ایک شجر باندھ لیا
راستے میں کہیں گر جائے تو مجبوری ہے
میں نے دامان دریدہ میں ہنر باندھ لیا
اپنے دامن پہ نظر کر مرے ہاتھوں پہ نہ جا
میں نے پتھراؤ کیا تو نے ثمر باندھ لیا
گھر کھلا چھوڑ کے چپکے سے نکل جاؤں گا
شام ہی سے سر و سامان سحر باندھ لیا
عمر بھر میں نے بھی ساحل کے قصیدے لکھے
میرے بچوں نے بھی اک ریت کا گھر باندھ لیا
ہار بے درد ہواؤں سے نہ مانی قیصرؔ
بادباں پھینک کے قدموں سے بھنور باندھ لیا