अज़ाब सा है दिल-ए-ना-मुराद पर कब से
खड़ा हूँ मैं रविश-ए-गर्द-बाद पर कब से
कभी मिलोगे कहीं तो मिलोगे जीते जी
मैं जी रहा हूँ इसी ए'तिमाद पर कब से
जो बाढ़ आई तो बे-चारा बह गया ख़ुद ही
जो बंद बाँध रहा था फ़साद पर कब से
वो ज़िंदगी जो कभी मुड़ के देखती भी नहीं
मैं मर रहा हूँ उसी बद-निहाद पर कब से
मिरे क़लम पे भी शब-ख़ून पड़ गया आख़िर
मुहासरा था मिरी जाएदाद पर कब से
मैं रौशनी को भुला दूँ तो क्या तअ'ज्जुब है
बरस रहा है धुआँ मेरी याद पर कब से
मिरे वजूद में क्या शाहकार है पिन्हाँ
चढ़ा रहा है ज़माना ख़राद पर कब से
तमाम शहर-ए-समाअ'त लरज़ उठा 'क़ैसर'
निकल पड़ी है ख़मोशी जिहाद पर कब से
azaab sā hai dil-e-nā-murād par kab se
khaḌā huuñ maiñ ravish-e-gard-bād par kab se
kabhī miloge kahīñ to miloge jiite jī
maiñ jī rahā huuñ isī e'timād par kab se
jo baaḌh aa.ī to be-chāra bah gayā ḳhud hī
jo band bāñdh rahā thā fasād par kab se
vo zindagī jo kabhī muḌ ke dekhtī bhī nahīñ
maiñ mar rahā huuñ usī bad-nihād par kab se
mire qalam pe bhī shab-ḳhūn paḌ gayā āḳhir
muhāsara thā mirī jā.edād par kab se
maiñ raushnī ko bhulā duuñ to kyā ta.ajjub hai
baras rahā hai dhuāñ merī yaad par kab se
mire vajūd meñ kyā shāhkār hai pinhāñ
chaḌhā rahā hai zamāna ḳharād par kab se
tamām shahr-e-samā.at laraz uThā 'qaisar'
nikal paḌī hai ḳhamoshī jihād par kab se
عذاب سا ہے دل نامراد پر کب سے
کھڑا ہوں میں روش گرد باد پر کب سے
کبھی ملو گے کہیں تو ملو گے جیتے جی
میں جی رہا ہوں اسی اعتماد پر کب سے
جو باڑھ آئی تو بے چارہ بہہ گیا خود ہی
جو بند باندھ رہا تھا فساد پر کب سے
وہ زندگی جو کبھی مڑ کے دیکھتی بھی نہیں
میں مر رہا ہوں اسی بد نہاد پر کب سے
مرے قلم پہ بھی شب خون پڑ گیا آخر
محاصرہ تھا مری جائیداد پر کب سے
میں روشنی کو بھلا دوں تو کیا تعجب ہے
برس رہا ہے دھواں میری یاد پر کب سے
مرے وجود میں کیا شاہکار ہے پنہاں
چڑھا رہا ہے زمانہ خراد پر کب سے
تمام شہر سماعت لرز اٹھا قیصرؔ
نکل پڑی ہے خموشی جہاد پر کب سے