आज बरसों में तो क़िस्मत से मुलाक़ात हुई
आप मुँह फेर के बैठे हैं ये क्या बात हुई
उड़ गई ख़ाक-ए-दिल-ओ-जाँ तो वो रोने बैठे
बस्तियाँ जल गईं जब टूट के बरसात हुई
तुम मिरे साथ थे जब तक तो सफ़र रौशन था
शम्अ जिस मोड़ पे छूटी है वहीं रात हुई
इस मोहब्बत से मिला है वो सितमगर हम से
जितने शिकवे न हुए उतनी मुदारात हुई
एक लम्हा था अजब उस की शनासाई का
कितने नादीदा ज़मानों से मुलाक़ात हुई
क़त्ल हो जाती है इस दौर में दिल की आवाज़
मुझ पे तलवार न टूटी ये करामात हुई
गाँव के गाँव बुझाने को हवा आई थी
मेरे मासूम चराग़ों से शुरूआत हुई
शायरी पहले रसूलों की दुआ थी 'क़ैसर'
आज इस अहद में इक शोबदा-ए-ज़ात हुई
aaj barsoñ meñ to qismat se mulāqāt huī
aap muñh pher ke baiThe haiñ ye kyā baat huī
uḌ ga.ī ḳhāk-e-dil-o-jāñ to vo rone baiThe
bastiyāñ jal ga.iiñ jab TuuT ke barsāt huī
tum mire saath the jab tak to safar raushan thā
sham.a jis moḌ pe chhūTī hai vahīñ raat huī
is mohabbat se milā hai vo sitamgar ham se
jitne shikve na hue utnī mudārāt huī
ek lamha thā ajab us kī shanāsā.ī kā
kitne nādīda zamānoñ se mulāqāt huī
qatl ho jaatī hai is daur meñ dil kī āvāz
mujh pe talvār na TuuTī ye karāmāt huī
gaañv ke gaañv bujhāne ko havā aa.ī thī
mere ma.asūm charāġhoñ se shurūāt huī
shā.erī pahle rasūloñ kī duā thī 'qaisar'
aaj is ahd meñ ik sho.abda-e-zāt huī
آج برسوں میں تو قسمت سے ملاقات ہوئی
آپ منہ پھیر کے بیٹھے ہیں یہ کیا بات ہوئی
اڑ گئی خاک دل و جاں تو وہ رونے بیٹھے
بستیاں جل گئیں جب ٹوٹ کے برسات ہوئی
تم مرے ساتھ تھے جب تک تو سفر روشن تھا
شمع جس موڑ پہ چھوٹی ہے وہیں رات ہوئی
اس محبت سے ملا ہے وہ ستم گر ہم سے
جتنے شکوے نہ ہوئے اتنی مدارات ہوئی
ایک لمحہ تھا عجب اس کی شناسائی کا
کتنے نادیدہ زمانوں سے ملاقات ہوئی
قتل ہو جاتی ہے اس دور میں دل کی آواز
مجھ پہ تلوار نہ ٹوٹی یہ کرامات ہوئی
گاؤں کے گاؤں بجھانے کو ہوا آئی تھی
میرے معصوم چراغوں سے شروعات ہوئی
شاعری پہلے رسولوں کی دعا تھی قیصرؔ
آج اس عہد میں اک شعبدۂ ذات ہوئی