अहद-ए-जुनूँ में बैठे बैठे जो ग़ज़लें लिख डाली थीं
हम को रुस्वा दुनिया भर को पागल करने वाली थीं
आँखों में वो शाम का टुकड़ा अक्सर चुभता रहता है
घर में आँधी जब आई थी शमएँ जलने वाली थीं
चाँद सितारे टूट रहे थे ख़्वाबों की अँगनाई में
आँख खुली तो देखा घर की सब दीवारें काली थीं
चुटकी भर उम्मीद नहीं थी कासा ले कर क्या फिरते
शहर-ए-वफ़ा की सारी गलियाँ अपनी देखी-भाली थीं
प्यार का मौसम बीत चुका था बस्ती में जब पहुँचे हम
लोगों ने फूलों के बदले तलवारें मँगवा ली थीं
'क़ैसर' दिल का हाल सुना कर जब यारों का मुँह देखा
सब के चेहरे सूखे सूखे सब की आँखें ख़ाली थीं
ahd-e-junūñ meñ baiThe baiThe jo ġhazleñ likh Daalī thiiñ
ham ko rusvā duniyā bhar ko pāgal karne vaalī thiiñ
āñkhoñ meñ vo shaam kā TukḌā aksar chubhtā rahtā hai
ghar meñ āñdhī jab aa.ī thī sham.eñ jalne vaalī thiiñ
chāñd sitāre TuuT rahe the ḳhvāboñ kī añgnā.ī meñ
aañkh khulī to dekhā ghar kī sab dīvāreñ kaalī thiiñ
chuTkī bhar ummīd nahīñ thī kaasa le kar kyā phirte
shahr-e-vafā kī saarī galiyāñ apnī dekhī-bhālī thiiñ
pyaar kā mausam biit chukā thā bastī meñ jab pahuñche ham
logoñ ne phūloñ ke badle talvāreñ mañgvā lī thiiñ
'qaisar' dil kā haal sunā kar jab yāroñ kā muñh dekhā
sab ke chehre sūkhe sūkhe sab kī āñkheñ ḳhālī thiiñ
عہد جنوں میں بیٹھے بیٹھے جو غزلیں لکھ ڈالی تھیں
ہم کو رسوا دنیا بھر کو پاگل کرنے والی تھیں
آنکھوں میں وہ شام کا ٹکڑا اکثر چبھتا رہتا ہے
گھر میں آندھی جب آئی تھی شمعیں جلنے والی تھیں
چاند ستارے ٹوٹ رہے تھے خوابوں کی انگنائی میں
آنکھ کھلی تو دیکھا گھر کی سب دیواریں کالی تھیں
چٹکی بھر امید نہیں تھی کاسہ لے کر کیا پھرتے
شہر وفا کی ساری گلیاں اپنی دیکھی بھالی تھیں
پیار کا موسم بیت چکا تھا بستی میں جب پہنچے ہم
لوگوں نے پھولوں کے بدلے تلواریں منگوا لی تھیں
قیصرؔ دل کا حال سنا کر جب یاروں کا منہ دیکھا
سب کے چہرے سوکھے سوکھے سب کی آنکھیں خالی تھیں