बरसों के रत-जगों की थकन खा गई मुझे
सूरज निकल रहा था कि नींद आ गई मुझे
रक्खी न ज़िंदगी ने मिरी मुफ़लिसी की शर्म
चादर बना के राह में फैला गई मुझे
मैं बिक गया था बाद में बे-सर्फ़ा जान कर
दुनिया मिरी दुकान पे लौटा गई मुझे
दरिया पे एक तंज़ समझिए कि तिश्नगी
साहिल की सर्द रेत में दफ़ना गई मुझे
ऐ ज़िंदगी तमाम लहू राएगाँ हुआ
किस दश्त-ए-बे-सवाद में बरसा गई मुझे
काग़ज़ का चाँद रख दिया दुनिया ने हाथ में
पहले सफ़र की रात ही रास आ गई मुझे
क्या चीज़ थी किसी की अदा-ए-सुपुर्दगी
भीगे बदन की आग में नहला गई मुझे
'क़ैसर' क़लम की आग का एहसानमंद हूँ
जब उँगलियाँ जलीं तो ग़ज़ल आ गई मुझे
barsoñ ke rat-jagoñ kī thakan khā ga.ī mujhe
sūraj nikal rahā thā ki niiñd aa ga.ī mujhe
rakkhī na zindagī ne mirī muflisī kī sharm
chādar banā ke raah meñ phailā ga.ī mujhe
maiñ bik gayā thā baad meñ be-sarfa jaan kar
duniyā mirī dukān pe lauTā ga.ī mujhe
dariyā pe ek tanz samajhiye ki tishnagī
sāhil kī sard ret meñ dafnā ga.ī mujhe
ai zindagī tamām lahū rā.egāñ huā
kis dasht-e-be-savād meñ barsā ga.ī mujhe
kāġhaz kā chāñd rakh diyā duniyā ne haath meñ
pahle safar kī raat hī raas aa ga.ī mujhe
kyā chiiz thī kisī kī adā-e-supurdagī
bhīge badan kī aag meñ nahlā ga.ī mujhe
'qaisar' qalam kī aag kā ehsānmand huuñ
jab uñgliyāñ jalīñ to ġhazal aa ga.ī mujhe
برسوں کے رت جگوں کی تھکن کھا گئی مجھے
سورج نکل رہا تھا کہ نیند آ گئی مجھے
رکھی نہ زندگی نے مری مفلسی کی شرم
چادر بنا کے راہ میں پھیلا گئی مجھے
میں بک گیا تھا بعد میں بے صرفہ جان کر
دنیا مری دکان پہ لوٹا گئی مجھے
دریا پہ ایک طنز سمجھئے کہ تشنگی
ساحل کی سرد ریت میں دفنا گئی مجھے
اے زندگی تمام لہو رائیگاں ہوا
کس دشت بے سواد میں برسا گئی مجھے
کاغذ کا چاند رکھ دیا دنیا نے ہاتھ میں
پہلے سفر کی رات ہی راس آ گئی مجھے
کیا چیز تھی کسی کی ادائے سپردگی
بھیگے بدن کی آگ میں نہلا گئی مجھے
قیصرؔ قلم کی آگ کا احسان مند ہوں
جب انگلیاں جلیں تو غزل آ گئی مجھے