ज़मीं का बोझ और उस पर ये आसमान का बोझ
उतार फेंक दूँ काँधों से दो-जहान का बोझ
पड़ा हुआ हूँ मैं सज्दे में कह नहीं पाता
वो बात जिस से कि हल्का हो कुछ ज़बान का बोझ
फिर इस के बाद उठाऊँगा अपने आप को मैं
उठा रहा हूँ अभी अपने ख़ानदान का बोझ
दबी थी आँख कभी जिस मकान-ए-हैरत से
अब उस मकाँ से ज़ियादा है ला-मकान का बोझ
अगर दिमाग़ सितारा है टूट जाएगा
चमक चमक के उठाता है आसमान का बोझ
तो झुर्रियों ने लिखा और क्या उठाओगे
उठाया जाता नहीं तुम से जिस्म ओ जान का बोझ
पलट के आई जो ग़फ़लत के उस कुरे से निगह
तो सिलवटों में पड़ा था मिरी थकान का बोझ
जो 'उम्र बीत गई उस को भूल जाऊँ 'रज़ा'
पुर-ख़याल से झटकूँ गई उड़ान का बोझ
zamīñ kā bojh aur us par ye āsmān kā bojh
utaar pheñk duuñ kāñdhoñ se do-jahān kā bojh
paḌā huā huuñ maiñ sajde meñ kah nahīñ paatā
vo baat jis se ki halkā ho kuchh zabān kā bojh
phir is ke baad uThā.ūñgā apne aap ko maiñ
uThā rahā huuñ abhī apne ḳhāndān kā bojh
dabī thī aañkh kabhī jis makān-e-hairat se
ab us makāñ se ziyāda hai lā-makān kā bojh
agar dimāġh sitāra hai TuuT jā.egā
chamak chamak ke uThātā hai āsmān kā bojh
to jhurriyoñ ne likhā aur kyā uThāoge
uThāyā jaatā nahīñ tum se jism o jaan kā bojh
palaT ke aa.ī jo ġhaflat ke us kure se nigah
to silvaToñ meñ paḌā thā mirī thakān kā bojh
jo 'umr biit ga.ī us ko bhuul jā.ūñ 'razā'
pur-ḳhayāl se jhaTkūñ ga.ī uḌaan kā bojh
زمیں کا بوجھ اور اس پر یہ آسمان کا بوجھ
اتار پھینک دوں کاندھوں سے دو جہان کا بوجھ
پڑا ہوا ہوں میں سجدے میں کہہ نہیں پاتا
وہ بات جس سے کہ ہلکا ہو کچھ زبان کا بوجھ
پھر اس کے بعد اٹھاؤں گا اپنے آپ کو میں
اٹھا رہا ہوں ابھی اپنے خاندان کا بوجھ
دبی تھی آنکھ کبھی جس مکان حیرت سے
اب اس مکاں سے زیادہ ہے لا مکان کا بوجھ
اگر دماغ ستارہ ہے ٹوٹ جائے گا
چمک چمک کے اٹھاتا ہے آسمان کا بوجھ
تو جھریوں نے لکھا اور کیا اٹھاؤ گے
اٹھایا جاتا نہیں تم سے جسم و جان کا بوجھ
پلٹ کے آئی جو غفلت کے اس کرے سے نگہ
تو سلوٹوں میں پڑا تھا مری تھکان کا بوجھ
جو عمر بیت گئی اس کو بھول جاؤں رضاؔ
پر خیال سے جھٹکوں گئی اڑان کا بوجھ