एक मज्ज़ूब उदासी मेरे अंदर गुम है
इस समुंदर में कोई और समुंदर गुम है
बेबसी कैसा परिंदा है तुम्हें क्या मालूम
उसे मालूम है जो मेरे बराबर गुम है
चर्ख़-ए-सौ रंग को फ़ुर्सत हो तो ढूँडे उस को
नील-गूँ सोच में जो मस्त क़लंदर गुम है
धूप छाँव का कोई खेल है बीनाई भी
आँख को ढूँड के लाया हूँ तो मंज़र गुम है
संग-रेज़ों में महकता है कोई सुर्ख़ गुलाब
वो जो माथे पे लगा था वही पत्थर गुम है
एक मदफ़ून दफ़ीना इन्हीं अतराफ़ में था
ख़ाक उड़ती है यहाँ और वो गौहर गुम है
ek majzūb udāsī mere andar gum hai
is samundar meñ koī aur samundar gum hai
bebasī kaisā parinda hai tumheñ kyā mālūm
use mālūm hai jo mere barābar gum hai
charḳh-e-sau rañg ko fursat ho to DhūñDe us ko
nīl-gūñ soch meñ jo mast qalandar gum hai
dhuup chhāñv kā koī khel hai bīnā.ī bhī
aañkh ko DhūñD ke laayā huuñ to manzar gum hai
sañg-rezoñ meñ mahaktā hai koī surḳh gulāb
vo jo māthe pe lagā thā vahī patthar gum hai
ek madfūn dafīna inhīñ atrāf meñ thā
ḳhaak uḌtī hai yahāñ aur vo gauhar gum hai
ایک مجذوب اداسی میرے اندر گم ہے
اس سمندر میں کوئی اور سمندر گم ہے
بے بسی کیسا پرندہ ہے تمہیں کیا معلوم
اسے معلوم ہے جو میرے برابر گم ہے
چرخ سو رنگ کو فرصت ہو تو ڈھونڈے اس کو
نیلگوں سوچ میں جو مست قلندر گم ہے
دھوپ چھاؤں کا کوئی کھیل ہے بینائی بھی
آنکھ کو ڈھونڈ کے لایا ہوں تو منظر گم ہے
سنگ ریزوں میں مہکتا ہے کوئی سرخ گلاب
وہ جو ماتھے پہ لگا تھا وہی پتھر گم ہے
ایک مدفون دفینہ انہیں اطراف میں تھا
خاک اڑتی ہے یہاں اور وہ گوہر گم ہے