आँख सहमी हुई डरती हुई देखी गई है
अम्न की फ़ाख़्ता मरती हुई देखी गई है
क्या बचा कितना बचा ताब किसे है देखे
मौज-ए-ख़ूँ सर से गुज़रती हुई देखी गई है
ऐसे लगता है यहाँ से नहीं जाने वाली
जो सियह-रात ठहरती हुई देखी गई है
दूसरी बार हुआ है कि यही दोस्त हुआ
पर परिंदों के कतरती हुई देखी गई है
एक उजड़ी हुई हसरत है कि पागल हो कर
बैन हर शहर में करती हुई देखी गई है
मौत चमकी किसी शमशीर-ए-बरहना की तरह
रौशनी दिल में उतरती हुई देखी गई है
फिर किनारे पे वही शोर वही लोग 'रज़ा'
फिर कोई लाश उभरती हुई देखी गई है
aañkh sahmī huī Dartī huī dekhī ga.ī hai
amn kī fāḳhta martī huī dekhī ga.ī hai
kyā bachā kitnā bachā taab kise hai dekhe
mauj-e-ḳhūñ sar se guzartī huī dekhī ga.ī hai
aise lagtā hai yahāñ se nahīñ jaane vaalī
jo siyah-rāt Thahartī huī dekhī ga.ī hai
dūsrī baar huā hai ki yahī dost huā
par parindoñ ke katartī huī dekhī ga.ī hai
ek ujḌī huī hasrat hai ki pāgal ho kar
bain har shahr meñ kartī huī dekhī ga.ī hai
maut chamkī kisī shamshīr-e-barahna kī tarah
raushnī dil meñ utartī huī dekhī ga.ī hai
phir kināre pe vahī shor vahī log 'razā'
phir koī laash ubhartī huī dekhī ga.ī hai
آنکھ سہمی ہوئی ڈرتی ہوئی دیکھی گئی ہے
امن کی فاختہ مرتی ہوئی دیکھی گئی ہے
کیا بچا کتنا بچا تاب کسے ہے دیکھے
موج خوں سر سے گزرتی ہوئی دیکھی گئی ہے
ایسے لگتا ہے یہاں سے نہیں جانے والی
جو سیہ رات ٹھہرتی ہوئی دیکھی گئی ہے
دوسری بار ہوا ہے کہ یہی دوست ہوا
پر پرندوں کے کترتی ہوئی دیکھی گئی ہے
ایک اجڑی ہوئی حسرت ہے کہ پاگل ہو کر
بین ہر شہر میں کرتی ہوئی دیکھی گئی ہے
موت چمکی کسی شمشیر برہنہ کی طرح
روشنی دل میں اترتی ہوئی دیکھی گئی ہے
پھر کنارے پہ وہی شور وہی لوگ رضاؔ
پھر کوئی لاش ابھرتی ہوئی دیکھی گئی ہے