ज़माने पर न सही दिल पे इख़्तियार रहे
दिखा वो ज़ोर कि दुनिया में यादगार रहे
कहाँ तलक दिल-ए-ग़मनाक पर्दा-दार रहे
ज़बान-ए-हाल पे जब कुछ न इख़्तियार रहे
निज़ाम-ए-दहर ने क्या क्या न करवटें बदलीं
मगर हम एक ही पहलू से बे-क़रार रहे
हँसी में लग़्ज़िश-ए-मस्ताना उड़ गई वल्लाह
तो बे-गुनाहों से अच्छे गुनाहगार रहे
उभारती है हवस तौबा-ए-रिहाई की
कि दिल के साथ ज़बाँ क्यूँ गुनाहगार रहे
दिखा दूँ चीर के दिल दर्द-ए-दिल कहूँ कब तक
ज़बाँ पे क्यूँ ये तक़ाज़ा-ए-नागवार रहे
तड़प तड़प के उठाऊँगा ज़िंदगी के मज़े
ख़ुदा न-कर्दा मुझे दिल पे इख़्तियार रहे
सज़ा-ए-'इश्क़ ब-क़द्र-ए-गुनाह ना-मुम्किन
यही बहुत है कि बरहम मिज़ाज-ए-यार रहे
ज़माना उस के सिवा और क्या वफ़ा करता
चमन उजड़ गया काँटे गले का बार रहे
ख़िज़ाँ के दम से मिटा ख़ूब-ओ-ज़िश्त का झगड़ा
चलो ये ख़्वाब हुआ गल रहे न ख़ार रहे
जवाब दे के न तोड़ो किसी ग़रीब का दिल
बला से कोई सरापा उमीद-वार रहे
मज़ा तो जब है 'यगाना' कि ये दिल-ए-ख़ुदबीं
ख़ुदी के नश्शे में बेगाना-ए-ख़ुमार रहे
'यगाना' हाल तो देखो ज़माना-साज़ों का
हवा में जैसे बगूला ख़राब-ओ-ख़्वार रहे
zamāne par na sahī dil pe iḳhtiyār rahe
dikhā vo zor ki duniyā meñ yādgār rahe
kahāñ talak dil-e-ġhamnāk parda-dār rahe
zabān-e-hāl pe jab kuchh na iḳhtiyār rahe
nizām-e-dahr ne kyā kyā na karvaTeñ badlīñ
magar ham ek hī pahlū se be-qarār rahe
hañsī meñ laġhzish-e-mastāna uḌ ga.ī vallāh
to be-gunāhoñ se achchhe gunāhgār rahe
ubhārtī hai havas tauba-e-rihā.ī kī
ki dil ke saath zabāñ kyuuñ gunāhgār rahe
dikhā duuñ chiir ke dil dard-e-dil kahūñ kab tak
zabāñ pe kyuuñ ye taqāzā-e-nāgavār rahe
taḌap taḌap ke uThā.ūñgā zindagī ke maze
ḳhudā na-karda mujhe dil pe iḳhtiyār rahe
sazā-e-'ishq ba-qadr-e-gunāh nā-mumkin
yahī bahut hai ki barham mizāj-e-yār rahe
zamāna us ke sivā aur kyā vafā kartā
chaman ujaḌ gayā kāñTe gale kā baar rahe
ḳhizāñ ke dam se miTā ḳhūb-o-zisht kā jhagḌā
chalo ye ḳhvāb huā gal rahe na ḳhaar rahe
javāb de ke na toḌo kisī ġharīb kā dil
balā se koī sarāpā umīd-vār rahe
maza to jab hai 'yagānā' ki ye dil-e-ḳhud-bīñ
ḳhudī ke nashshe meñ be-gāna-e-ḳhumār rahe
'yagānā' haal to dekho zamāna-sāzoñ kā
havā meñ jaise bagūlā ḳharāb-o-ḳhvār rahe
زمانے پر نہ سہی دل پہ اختیار رہے
دکھا وہ زور کہ دنیا میں یادگار رہے
کہاں تلک دل غم ناک پردہ دار رہے
زبان حال پہ جب کچھ نہ اختیار رہے
نظام دہر نے کیا کیا نہ کروٹیں بدلیں
مگر ہم ایک ہی پہلو سے بے قرار رہے
ہنسی میں لغزش مستانہ اڑ گئی واللہ
تو بے گناہوں سے اچھے گناہ گار رہے
ابھارتی ہے ہوس توبۂ رہائی کی
کہ دل کے ساتھ زباں کیوں گناہ گار رہے
دکھا دوں چیر کے دل درد دل کہوں کب تک
زباں پہ کیوں یہ تقاضائے ناگوار رہے
تڑپ تڑپ کے اٹھاؤں گا زندگی کے مزے
خدا نہ کردہ مجھے دل پہ اختیار رہے
سزائے عشق بقدر گناہ نا ممکن
یہی بہت ہے کہ برہم مزاج یار رہے
زمانہ اس کے سوا اور کیا وفا کرتا
چمن اجڑ گیا کانٹے گلے کا بار رہے
خزاں کے دم سے مٹا خوب و زشت کا جھگڑا
چلو یہ خواب ہوا گل رہے نہ خار رہے
جواب دے کے نہ توڑو کسی غریب کا دل
بلا سے کوئی سراپا امیدوار رہے
مزہ تو جب ہے یگانہؔ کہ یہ دل خودبیں
خودی کے نشے میں بیگانۂ خمار رہے
یگانہؔ حال تو دیکھو زمانہ سازوں کا
ہوا میں جیسے بگولا خراب و خوار رہے