आप से आप अयाँ शाहिद-ए-मअ'नी होगा
एक दिन गर्दिश-ए-अफ़्लाक से ये भी होगा
आँखें बनवाइए पहले ज़रा ऐ हज़रत-ए-क़ैस
क्या इन्हीं आँखों से नज़्ज़ारा़-ए-लैली होगा
शौक़ में दामन-ए-यूसुफ़ के उड़ेंगे टुकड़े
दस्त-ए-गुस्ताख़ से क्या दूर है ये भी होगा
लाखों इस हुस्न पे मर जाएँगे देखा-देखी
कोई ग़श होगा कोई महव-ए-तजल्ली होगा
हुस्न-ए-ज़ाती भी छुपाए से कहीं छुपता है
सात पर्दों से अयाँ शाहिद-ए-मअ'नी होगा
होश उड़ेंगे जो ज़माने की हवा बिगड़ेगी
चार ही दिन में ख़िज़ाँ गुलशन-ए-हस्ती होगा
और उमडेगा दिल-ए-ज़ार जहाँ तक छेड़ो
ये भी क्या कोई ख़ज़ाना है कि ख़ाली होगा
दिल धड़कने लगा फिर सुब्ह-ए-जुदाई आई
फिर वही दर्द वही पहलू-ए-ख़ाली होगा
ये तो फ़रमाइए क्या हम में रहेगा बाक़ी
दिल अगर दर्द-ए-मोहब्बत से भी ख़ाली होगा
एक चुल्लू से भी क्या 'यास' रहोगे महरूम
बज़्म-ए-मय है तो कोई साहब-ए-दिल भी होगा
aap se aap ayaañ shāhid-e-ma.anī hogā
ek din gardish-e-aflāk se ye bhī hogā
āñkheñ banvā.iye pahle zarā ai hazrat-e-qais
kyā inhīñ āñkhoñ se nazzāra-e-lailī hogā
shauq meñ dāman-e-yūsuf ke uḌeñge TukḌe
dast-e-gustāḳh se kyā duur hai ye bhī hogā
lākhoñ is husn pe mar jā.eñge dekhā-dekhī
koī ġhash hogā koī mahv-e-tajallī hogā
husn-e-zātī bhī chhupā.e se kahīñ chhuptā hai
saat pardoñ se ayaañ shāhid-e-ma.anī hogā
hosh uḌeñge jo zamāne kī havā bigḌegī
chaar hī din meñ ḳhizāñ gulshan-e-hastī hogā
aur umDegā dil-e-zār jahāñ tak chheḌo
ye bhī kyā koī ḳhazāna hai ki ḳhālī hogā
dil dhaḌakne lagā phir sub.h-e-judā.ī aa.ī
phir vahī dard vahī pahlu-e-ḳhālī hogā
ye to farmā.iye kyā ham meñ rahegā baaqī
dil agar dard-e-mohabbat se bhī ḳhālī hogā
ek chullū se bhī kyā 'yās' rahoge mahrūm
bazm-e-mai hai to koī sāhab-e-dil bhī hogā
آپ سے آپ عیاں شاہد معنی ہوگا
ایک دن گردش افلاک سے یہ بھی ہوگا
آنکھیں بنوایئے پہلے ذرا اے حضرت قیس
کیا انہیں آنکھوں سے نظارۂ لیلی ہوگا
شوق میں دامن یوسف کے اڑیں گے ٹکڑے
دست گستاخ سے کیا دور ہے یہ بھی ہوگا
لاکھوں اس حسن پہ مر جائیں گے دیکھادیکھی
کوئی غش ہوگا کوئی محو تجلی ہوگا
حسن ذاتی بھی چھپائے سے کہیں چھپتا ہے
سات پردوں سے عیاں شاہد معنی ہوگا
ہوش اڑیں گے جو زمانے کی ہوا بگڑے گی
چار ہی دن میں خزاں گلشن ہستی ہوگا
اور امڈے گا دل زار جہاں تک چھیڑو
یہ بھی کیا کوئی خزانہ ہے کہ خالی ہوگا
دل دھڑکنے لگا پھر صبح جدائی آئی
پھر وہی درد وہی پہلوئے خالی ہوگا
یہ تو فرمائیے کیا ہم میں رہے گا باقی
دل اگر درد محبت سے بھی خالی ہوگا
ایک چلو سے بھی کیا یاسؔ رہوگے محروم
بزم مے ہے تو کوئی صاحب دل بھی ہوگا