अदब ने दिल के तक़ाज़े उठाए हैं क्या क्या
हवस ने शौक़ के पहलू दबाए हैं क्या क्या
न जाने सहव-ए-क़लम है कि शाहकार-ए-क़लम
बला-ए-हुस्न ने फ़ित्ने उठाए हैं क्या क्या
निगाह डाल दी जिस पर वो हो गया अंधा
नज़र ने रंग-ए-तसर्रुफ़ दिखाए हैं क्या क्या
इसी फ़रेब ने मारा कि कल है कितनी दूर
इस आज कल में अबस दिन गँवाए हैं क्या क्या
पहाड़ काटने वाले ज़मीं से हार गए
इसी ज़मीन में दरिया समाए हैं क्या क्या
गुज़र के आप से हम आप तक पहुँच तो गए
मगर ख़बर भी है कुछ फेर खाए हैं क्या क्या
बुलंद हो तो खुले तुझ पे ज़ोर पस्ती का
बड़े-बड़ों के क़दम डगमगाए हैं क्या क्या
ख़ुशी में अपने क़दम चूम लूँ तो ज़ेबा है
वो लग़्ज़िशों पे मिरी मुस्कुराए हैं क्या क्या
ख़ुदा ही जाने 'यगाना' मैं कौन हूँ क्या हूँ
ख़ुद अपनी ज़ात पे शक दिल में आए हैं क्या क्या
adab ne dil ke taqāze uThā.e haiñ kyā kyā
havas ne shauq ke pahlū dabā.e haiñ kyā kyā
na jaane sahv-e-qalam hai ki shāhkār-e-qalam
balā-e-husn ne fitne uThā.e haiñ kyā kyā
nigāh Daal dī jis par vo ho gayā andhā
nazar ne rañg-e-tasarruf dikhā.e haiñ kyā kyā
isī fareb ne maarā ki kal hai kitnī duur
is aaj kal meñ abas din gañvā.e haiñ kyā kyā
pahāḌ kāTne vaale zamīñ se haar ga.e
isī zamīn meñ dariyā samā.e haiñ kyā kyā
guzar ke aap se ham aap tak pahuñch to ga.e
magar ḳhabar bhī hai kuchh pher khaa.e haiñ kyā kyā
buland ho to khule tujh pe zor pastī kā
baḌe-baḌoñ ke qadam Dagmagā.e haiñ kyā kyā
ḳhushī meñ apne qadam chuum luuñ to zebā hai
vo laġhzishoñ pe mirī muskurā.e haiñ kyā kyā
ḳhudā hī jaane 'yagānā' maiñ kaun huuñ kyā huuñ
ḳhud apnī zaat pe shak dil meñ aa.e haiñ kyā kyā
ادب نے دل کے تقاضے اٹھائے ہیں کیا کیا
ہوس نے شوق کے پہلو دبائے ہیں کیا کیا
نہ جانے سہو قلم ہے کہ شاہکار قلم
بلائے حسن نے فتنے اٹھائے ہیں کیا کیا
نگاہ ڈال دی جس پر وہ ہو گیا اندھا
نظر نے رنگ تصرف دکھائے ہیں کیا کیا
اسی فریب نے مارا کہ کل ہے کتنی دور
اس آج کل میں عبث دن گنوائے ہیں کیا کیا
پہاڑ کاٹنے والے زمیں سے ہار گئے
اسی زمین میں دریا سمائے ہیں کیا کیا
گزر کے آپ سے ہم آپ تک پہنچ تو گئے
مگر خبر بھی ہے کچھ پھیر کھائے ہیں کیا کیا
بلند ہو تو کھلے تجھ پہ زور پستی کا
بڑے بڑوں کے قدم ڈگمگائے ہیں کیا کیا
خوشی میں اپنے قدم چوم لوں تو زیبا ہے
وہ لغزشوں پہ مری مسکرائے ہیں کیا کیا
خدا ہی جانے یگانہؔ میں کون ہوں کیا ہوں
خود اپنی ذات پہ شک دل میں آئے ہیں کیا کیا