आप में क्यूँकर रहे कोई ये सामाँ देख कर
शम-ए-इस्मत को भरी महफ़िल में उर्यां देख कर
दिल को बहलाते हो क्या क्या आरज़ू-ए-ख़ाम से
अम्र-ए-नामुमकिन में गोया रंग-ए-इम्काँ देख कर
क्या अजब है भूल जाएँ अहल-ए-दिल अपना भी दर्द
हुस्न-ए-मस्ताना को आख़िर में पशीमाँ देख कर
ढूँडते फिरते हो अब टूटे हुए दिल में पनाह
दर्द से ख़ाली दिल-ए-गब्र-ओ-मुसलमाँ देख कर
दिल जला कर वादी-ए-ग़ुर्बत को रौशन कर चले
ख़ूब सूझी जल्वा-ए-शाम-ए-ग़रीबाँ देख कर
इम्तियाज़-ए-सूरत-ओ-मअ'नी से बेगाना हुआ
आइने को आइना हैराँ को हैराँ देख कर
पैरहन में क्या समा सकता हबाब-ए-जाँ-ब-लब
हस्ती-ए-मौहूम का ख़्वाब-ए-परेशाँ देख कर
सब्र करना सख़्त मुश्किल है तड़पना सहल है
अपने बस का काम कर लेता हूँ आसाँ देख कर
और क्या होती 'यगाना' दर्द-ए-इसयाँ की दवा
क्या ग़ज़ल याद आई वल्लाह फ़र्द-ए-इसयाँ देख कर
aap meñ kyūñkar rahe koī ye sāmāñ dekh kar
sham-e-ismat ko bharī mahfil meñ uryāñ dekh kar
dil ko bahlāte ho kyā kyā ārzū-e-ḳhām se
amr-e-nā-mumkin meñ goyā rañg-e-imkāñ dekh kar
kyā ajab hai bhuul jaa.eñ ahl-e-dil apnā bhī dard
husn-e-mastāna ko āḳhir meñ pashīmāñ dekh kar
DhūñDte phirte ho ab TuuTe hue dil meñ panāh
dard se ḳhālī dil-e-gabr-o-musalmāñ dekh kar
dil jalā kar vādi-e-ġhurbat ko raushan kar chale
ḳhuub sūjhī jalva-e-shām-e-ġharībāñ dekh kar
imtiyāz-e-sūrat-o-ma.anī se begāna huā
aa.ine ko aa.ina hairāñ ko hairāñ dekh kar
pairahan meñ kyā samā saktā habāb-e-jāñ-ba-lab
hasti-e-mauhūm kā ḳhvāb-e-pareshāñ dekh kar
sabr karnā saḳht mushkil hai taḌapnā sahl hai
apne bas kā kaam kar letā huuñ āsāñ dekh kar
aur kyā hotī 'yagānā' dard-e-isyāñ kī davā
kyā ġhazal yaad aa.ī vallāh fard-e-isyāñ dekh kar
آپ میں کیونکر رہے کوئی یہ ساماں دیکھ کر
شمع عصمت کو بھری محفل میں عریاں دیکھ کر
دل کو بہلاتے ہو کیا کیا آرزوئے خام سے
امر نا ممکن میں گویا رنگ امکاں دیکھ کر
کیا عجب ہے بھول جائیں اہل دل اپنا بھی درد
حسن مستانہ کو آخر میں پشیماں دیکھ کر
ڈھونڈتے پھرتے ہو اب ٹوٹے ہوئے دل میں پناہ
درد سے خالی دل گبر و مسلماں دیکھ کر
دل جلا کر وادئ غربت کو روشن کر چلے
خوب سوجھی جلوۂ شام غریباں دیکھ کر
امتیاز صورت و معنی سے بیگانہ ہوا
آئنے کو آئنہ حیراں کو حیراں دیکھ کر
پیرہن میں کیا سما سکتا حباب جاں بلب
ہستئ موہوم کا خواب پریشاں دیکھ کر
صبر کرنا سخت مشکل ہے تڑپنا سہل ہے
اپنے بس کا کام کر لیتا ہوں آساں دیکھ کر
اور کیا ہوتی یگانہؔ درد عصیاں کی دوا
کیا غزل یاد آئی واللہ فرد عصیاں دیکھ کر