ज़माना है कि गुज़रा जा रहा है
ये दरिया है कि बहता जा रहा है
वो उट्ठे दर्द उट्ठा हश्र उट्ठा
मगर दिल है कि बैठा जा रहा है
लगी थी उन के क़दमों से क़यामत
मैं समझा साथ साया जा रहा है
ज़माने पर हँसे कोई कि रोए
जो होना है वो होता जा रहा है
मिरे दाग़-ए-जिगर को फूल कह कर
मुझे काँटों में खींचा जा रहा है
बहार आई कि दिन होली के आए
गुलों में रंग खेला जा रहा है
रवाँ है उम्र और इंसान ग़ाफ़िल
मुसाफ़िर है कि सोता जा रहा है
सर-ए-मय्यत है ये इबरत का नौहा
मोहब्बत का जनाज़ा जा रहा है
'जलील' अब दिल को अपना दिल न समझो
कोई कर के इशारा जा रहा है
zamāna hai ki guzrā jā rahā hai
ye dariyā hai ki bahtā jā rahā hai
vo uTThe dard uTThā hashr uTThā
magar dil hai ki baiThā jā rahā hai
lagī thī un ke qadmoñ se qayāmat
maiñ samjhā saath saayā jā rahā hai
zamāne par hañse koī ki ro.e
jo honā hai vo hotā jā rahā hai
mire dāġh-e-jigar ko phuul kah kar
mujhe kāñToñ meñ khīñchā jā rahā hai
bahār aa.ī ki din holī ke aa.e
guloñ meñ rañg khelā jā rahā hai
ravāñ hai umr aur insān ġhāfil
musāfir hai ki sotā jā rahā hai
sar-e-mayyat hai ye ibrat kā nauha
mohabbat kā janāza jā rahā hai
'jalīl' ab dil ko apnā dil na samjho
koī kar ke ishārā jā rahā hai
زمانہ ہے کہ گزرا جا رہا ہے
یہ دریا ہے کہ بہتا جا رہا ہے
وہ اٹھے درد اٹھا حشر اٹھا
مگر دل ہے کہ بیٹھا جا رہا ہے
لگی تھی ان کے قدموں سے قیامت
میں سمجھا ساتھ سایا جا رہا ہے
زمانے پر ہنسے کوئی کہ روئے
جو ہونا ہے وہ ہوتا جا رہا ہے
مرے داغ جگر کو پھول کہہ کر
مجھے کانٹوں میں کھینچا جا رہا ہے
بہار آئی کہ دن ہولی کے آئے
گلوں میں رنگ کھیلا جا رہا ہے
رواں ہے عمر اور انسان غافل
مسافر ہے کہ سوتا جا رہا ہے
سر میت ہے یہ عبرت کا نوحہ
محبت کا جنازہ جا رہا ہے
جلیلؔ اب دل کو اپنا دل نہ سمجھو
کوئی کر کے اشارا جا رہا ہے