ज़ब्त कहता है दिल-ए-ज़ार सँभल जाएगा
शौक़ कहता है अभी तन से निकल जाएगा
कल की शब कट गई जिस तरह से ऐ दर्द-ए-फ़िराक़
आज का दिन भी उसी तरह से टल जाएगा
तुम जो बिगड़े हो तो बिगड़ा है मुक़द्दर अपना
तुम जो संभलो तो मुक़द्दर भी सँभल जाएगा
बद-गुमानी जो उन्हें मुझ से है गर दूर हुई
एक काँटा सा मिरे दिल से निकल जाएगा
तपिश-ए-इश्क़ सलामत है तो इक दिन ऐ दोस्त
दिल तिरा मोम की मानिंद पिघल जाएगा
उस को बख़्शेगा मिरा इश्क़ हयात-ए-जावेद
कौन कहता है तिरा हुस्न ये ढल जाएगा
दर्द-ए-उल्फ़त कहीं मिटता है मिटाए से 'जलील'
आज पहलू से गया और न कल जाएगा
zabt kahtā hai dil-e-zār sañbhal jā.egā
shauq kahtā hai abhī tan se nikal jā.egā
kal kī shab kaT ga.ī jis tarah se ai dard-e-firāq
aaj kā din bhī usī tarah se Tal jā.egā
tum jo bigḌe ho to bigḌā hai muqaddar apnā
tum jo sañbhlo to muqaddar bhī sañbhal jā.egā
bad-gumānī jo unheñ mujh se hai gar duur huī
ek kāñTā sā mire dil se nikal jā.egā
tapish-e-ishq salāmat hai to ik din ai dost
dil tirā mom kī mānind pighal jā.egā
us ko baḳhshegā mirā ishq hayāt-e-jāved
kaun kahtā hai tirā husn ye Dhal jā.egā
dard-e-ulfat kahīñ miTtā hai miTā.e se 'jalīl'
aaj pahlū se gayā aur na kal jā.egā
ضبط کہتا ہے دل زار سنبھل جائے گا
شوق کہتا ہے ابھی تن سے نکل جائے گا
کل کی شب کٹ گئی جس طرح سے اے درد فراق
آج کا دن بھی اسی طرح سے ٹل جائے گا
تم جو بگڑے ہو تو بگڑا ہے مقدر اپنا
تم جو سنبھلو تو مقدر بھی سنبھل جائے گا
بد گمانی جو انہیں مجھ سے ہے گر دور ہوئی
ایک کانٹا سا مرے دل سے نکل جائے گا
تپش عشق سلامت ہے تو اک دن اے دوست
دل ترا موم کی مانند پگھل جائے گا
اس کو بخشے گا مرا عشق حیات جاوید
کون کہتا ہے ترا حسن یہ ڈھل جائے گا
درد الفت کہیں مٹتا ہے مٹائے سے جلیلؔ
آج پہلو سے گیا اور نہ کل جائے گا