अब जो मुझ से उन्हें हिजाब नहीं
दिल को पहला सा इज़्तिराब नहीं
है उन्हें मुझ पे ए'तिमाद-ए-वफ़ा
अब उन्हें मुझ से इज्तिनाब नहीं
बख़्श कर लुत्फ़-ए-वस्ल कहते हैं
अब न कहना कि कामयाब नहीं
इस क़दर हैं वो मेहरबाँ मुझ पर
उन के अल्ताफ़ का हिसाब नहीं
कामयाब-ए-विसाल-ए-जानाँ हूँ
फिर भी कहते हैं कामयाब नहीं
मैं तो सैराब-ए-ऐश-ए-वस्ल करूँ
क्या करूँ तुझ को इस की ताब नहीं
मैं ये क्यूँकर कहूँ कि हस्ब-ए-मुराद
दिल-ए-पुर-शौक़ कामयाब नहीं
आप से छुट के रह नहीं सकता
ब-ख़ुदा इस की दिल को ताब नहीं
अब भी हूँ बे-क़रार-ए-लुत्फ़-ओ-करम
गो वो अगला सा इज़्तिराब नहीं
आप के रहम की ज़रूरत हो
हाल-ए-दिल इस क़दर ख़राब नहीं
वो नज़र लाख बे-हिजाब सही
दस्त-ए-गुस्ताख़ का जवाब नहीं
आज दुनिया-ए-दिल-बरी में कहीं
आप के हुस्न का जवाब नहीं
आज लाखों में इंतिख़ाब हैं आप
दूर दूर आप का जवाब नहीं
रुख़-ए-जानाँ में अब भी है इक बात
गो वो पहली सी आब-ओ-ताब नहीं
आप की चश्म-ए-मस्त के आगे
असर-ए-मस्ती-ए-शराब नहीं
आप के हुस्न के मुक़ाबिल में
कोई शय सुर्ख़ी-ए-गुलाब नहीं
सच तो ये है जमाल-ए-जानाँ का
एक परतव है आफ़्ताब नहीं
आज तेरे सिवा 'जलील' कोई
रंग-ए-हसरत में कामयाब नहीं
ab jo mujh se unheñ hijāb nahīñ
dil ko pahlā sā iztirāb nahīñ
hai unheñ mujh pe e'timād-e-vafā
ab unheñ mujh se ijtināb nahīñ
baḳhsh kar lutf-e-vasl kahte haiñ
ab na kahnā ki kāmyāb nahīñ
is qadar haiñ vo mehrbāñ mujh par
un ke altāf kā hisāb nahīñ
kāmyāb-e-visāl-e-jānāñ huuñ
phir bhī kahte haiñ kāmyāb nahīñ
maiñ to sairāb-e-aish-e-vasl karūñ
kyā karūñ tujh ko is kī taab nahīñ
maiñ ye kyūñkar kahūñ ki hasb-e-murād
dil-e-pur-shauq kāmyāb nahīñ
aap se chhuT ke rah nahīñ saktā
ba-ḳhudā is kī dil ko taab nahīñ
ab bhī huuñ be-qarār-e-lutf-o-karam
go vo aglā sā iztirāb nahīñ
aap ke rahm kī zarūrat ho
hāl-e-dil is qadar ḳharāb nahīñ
vo nazar laakh be-hijāb sahī
dast-e-gustāḳh kā javāb nahīñ
aaj duniyā-e-dil-barī meñ kahīñ
aap ke husn kā javāb nahīñ
aaj lākhoñ meñ intiḳhāb haiñ aap
duur duur aap kā javāb nahīñ
ruḳh-e-jānāñ meñ ab bhī hai ik baat
go vo pahlī sī āb-o-tāb nahīñ
aap kī chashm-e-mast ke aage
asar-e-mastī-e-sharāb nahīñ
aap ke husn ke muqābil meñ
koī shai surḳhī-e-gulāb nahīñ
sach to ye hai jamāl-e-jānāñ kā
ek partav hai āftāb nahīñ
aaj tere sivā 'jalīl' koī
rang-e-hasrat meñ kāmyāb nahīñ
اب جو مجھ سے انہیں حجاب نہیں
دل کو پہلا سا اضطراب نہیں
ہے انہیں مجھ پہ اعتماد وفا
اب انہیں مجھ سے اجتناب نہیں
بخش کر لطف وصل کہتے ہیں
اب نہ کہنا کہ کامیاب نہیں
اس قدر ہیں وہ مہرباں مجھ پر
ان کے الطاف کا حساب نہیں
کامیاب وصال جاناں ہوں
پھر بھی کہتے ہیں کامیاب نہیں
میں تو سیراب عیش وصل کروں
کیا کروں تجھ کو اس کی تاب نہیں
میں یہ کیونکر کہوں کہ حسب مراد
دل پر شوق کامیاب نہیں
آپ سے چھٹ کے رہ نہیں سکتا
بخدا اس کی دل کو تاب نہیں
اب بھی ہوں بے قرار لطف و کرم
گو وہ اگلا سا اضطراب نہیں
آپ کے رحم کی ضرورت ہو
حال دل اس قدر خراب نہیں
وہ نظر لاکھ بے حجاب سہی
دست گستاخ کا جواب نہیں
آج دنیائے دل بری میں کہیں
آپ کے حسن کا جواب نہیں
آج لاکھوں میں انتخاب ہیں آپ
دور دور آپ کا جواب نہیں
رخ جاناں میں اب بھی ہے اک بات
گو وہ پہلی سی آب و تاب نہیں
آپ کی چشم مست کے آگے
اثر مستیٔ شراب نہیں
آپ کے حسن کے مقابل میں
کوئی شے سرخئ گلاب نہیں
سچ تو یہ ہے جمال جاناں کا
ایک پرتو ہے آفتاب نہیں
آج تیرے سوا جلیلؔ کوئی
رنگ حسرت میں کامیاب نہیں