चश्म-ए-तर सारी रात रोती है
जब कि दुनिया तमाम सोती है
आज फिर क़ल्ब में है कुछ जुंबिश
गुफ़्तुगू उन से आज होती है
किश्त-ए-ग़म में हमारी चश्म-ए-तर
रोज़-ओ-शब तुख़्म-ए-अश्क बोती है
कट रही है 'अजीब लुत्फ़ से रात
जागती है न आँख सोती है
अश्क अब आँख में नहीं आते
न वो दिल में ख़लिश सी होती है
'अह्द-ए-'इशरत की याद अरे तौबा
दिल में नश्तर सा इक चुभोती है
बाग़ में चाँदनी छिटकती है
आँख बे-इख़्तियार रोती है
तेरे ग़म में जो अश्क-ए-तर टपका
हासिल-ए-बहर-ए-ग़म वो मोती है
किस क़दर बे-क़रार है शबनम
गुल का मुँह आँसुओं से धोती है
चश्म-ए-तर क्यों हुई है दीवानी
किस लिए जान अपनी खोती है
बे-क़रारी हमारी दिल की हैफ़
नाम 'उश्शाक़ का डुबोती है
अश्क-बारी 'अजीब शय है 'जलील'
शीशा-ए-दिल के दाग़ धोती है
chashm-e-tar saarī raat rotī hai
jab ki duniyā tamām sotī hai
aaj phir qalb meñ hai kuchh jumbish
guftugū un se aaj hotī hai
kisht-e-ġham meñ hamārī chashm-e-tar
roz-o-shab tuḳhm-e-ashk botī hai
kaT rahī hai 'ajīb lutf se raat
jāgtī hai na aañkh sotī hai
ashk ab aañkh meñ nahīñ aate
na vo dil meñ ḳhalish sī hotī hai
'ahd-e-'ishrat kī yaad are tauba
dil meñ nashtar sā ik chubhotī hai
baaġh meñ chāñdnī chhiTaktī hai
aañkh be-iḳhtiyār rotī hai
tere ġham meñ jo ashk-e-tar Tapkā
hāsil-e-bahr-e-ġham vo motī hai
kis qadar be-qarār hai shabnam
gul kā muñh āñsuoñ se dhotī hai
chashm-e-tar kyoñ huī hai dīvānī
kis liye jaan apnī khotī hai
be-qarārī hamārī dil kī haif
naam 'ushshāq kā Dubotī hai
ashk-bārī 'ajīb shai hai 'jalīl'
shīsha-e-dil ke daaġh dhotī hai
چشم تر ساری رات روتی ہے
جب کہ دنیا تمام سوتی ہے
آج پھر قلب میں ہے کچھ جنبش
گفتگو ان سے آج ہوتی ہے
کشت غم میں ہماری چشم تر
روز و شب تخم اشک بوتی ہے
کٹ رہی ہے عجیب لطف سے رات
جاگتی ہے نہ آنکھ سوتی ہے
اشک اب آنکھ میں نہیں آتے
نہ وہ دل میں خلش سی ہوتی ہے
عہد عشرت کی یاد ارے توبہ
دل میں نشتر سا اک چبھوتی ہے
باغ میں چاندنی چھٹکتی ہے
آنکھ بے اختیار روتی ہے
تیرے غم میں جو اشک تر ٹپکا
حاصل بحر غم وہ موتی ہے
کس قدر بے قرار ہے شبنم
گل کا منہ آنسوؤں سے دھوتی ہے
چشم تر کیوں ہوئی ہے دیوانی
کس لیے جان اپنی کھوتی ہے
بے قراری ہماری دل کی حیف
نام عشاق کا ڈبوتی ہے
اشک باری عجیب شے ہے جلیلؔ
شیشۂ دل کے داغ دھوتی ہے