भला क्या हैं बरखा के मौसम के कहने
हसीनों ने पहने हैं फूलों के गहने
न हो उन हसीनों में क्यों जामा-ज़ेबी
लिबास-ए-मोहब्बत जिन्हों ने हों पहने
वफ़ा रंग लाई है मेरी कि मुझ को
वो हैं बेवफ़ाई के देते उलहने
मुक़र्रर था मिलना मिरा उन से लेकिन
मुक़द्दर में थे कुछ दिनों रंज सहने
अजब हाल था दिल की बेताबियों का
न जब तक लगे पास हम दोनों रहने
मिले बा'द मुद्दत तो फ़र्त-ए-ख़ुशी से
लगे चश्म-ए-पुर-शौक़ से अश्क बहने
न दुनिया की मुझ को ख़बर है न दीं की
मिरे दिल पे जादू किया है बिरह ने
'जलील' अब तो वो शोख़ रहता है हर-दम
कभी मेरे बाएँ कभी मेरे दहने
bhalā kyā haiñ barkhā ke mausam ke kahne
hasīnoñ ne pahne haiñ phūloñ ke gahne
na ho un hasīnoñ meñ kyoñ jāma-zebī
libās-e-mohabbat jinhoñ ne hoñ pahne
vafā rang laa.ī hai merī ki mujh ko
vo haiñ bevafā.ī ke dete ulahne
muqarrar thā milnā mirā un se lekin
muqaddar meñ the kuchh dinoñ ranj sahne
ajab haal thā dil kī betābiyoñ kā
na jab tak lage paas ham donoñ rahne
mile baa'd muddat to fart-e-ḳhushī se
lage chashm-e-pur-shauq se ashk bahne
na duniyā kī mujh ko ḳhabar hai na diiñ kī
mire dil pe jaadū kiyā hai birah ne
'jalīl' ab to vo shoḳh rahtā hai har-dam
kabhī mere baa.eñ kabhī mere dahne
بھلا کیا ہیں برکھا کے موسم کے کہنے
حسینوں نے پہنے ہیں پھولوں کے گہنے
نہ ہو ان حسینوں میں کیوں جامہ زیبی
لباس محبت جنہوں نے ہوں پہنے
وفا رنگ لائی ہے میری کہ مجھ کو
وہ ہیں بے وفائی کے دیتے الہنے
مقرر تھا ملنا مرا ان سے لیکن
مقدر میں تھے کچھ دنوں رنج سہنے
عجب حال تھا دل کی بیتابیوں کا
نہ جب تک لگے پاس ہم دونوں رہنے
ملے بعد مدت تو فرط خوشی سے
لگے چشم پر شوق سے اشک بہنے
نہ دنیا کی مجھ کو خبر ہے نہ دیں کی
مرے دل پہ جادو کیا ہے برہ نے
جلیلؔ اب تو وہ شوخ رہتا ہے ہر دم
کبھی میرے بائیں کبھی میرے دہنے