आज यूँ नाला-ए-ग़म 'इश्क़ ने आग़ाज़ किया
हुस्न को भी हमा-तन गोश-बर-आवाज़ किया
तू ने ये तुर्फ़ा सितम ऐ निगह-ए-नाज़ किया
दिल में इक सोज़ था पहले उसे अब साज़ किया
दिल ने आग़ाज़ जो इक नग़्मा-ए-बे-साज़ किया
साज़-ए-नैरंगी-ए-फ़ितरत को हम-आवाज़ किया
ख़ाना-ए-दिल में वो आए तो ये ए'जाज़ किया
जिस्म-ए-बे-रूह को सरमस्त-ओ-सर-अफ़राज़ किया
तू ने ये काम 'अजब ऐ निगह-ए-नाज़ किया
ताइर-ए-होश को आमादा-ए-पर्वाज़ किया
है वही मेरे लिए हासिल-ए-यक-'उम्र-ए-वफ़ा
तुम ने जो जुर्म-ए-मोहब्बत नज़र-अंदाज़ किया
दिल ने उस नीम-निगाही का इशारा पा कर
रूह को ग़र्क़-ए-निगाह-ए-ग़लत-अंदाज़ किया
दस्त-ए-क़ुदरत ने वही अपनी निकाली मिक़राज़
गुलशन-ए-दहर में जिस गुल ने ज़रा नाज़ किया
मैं वो बुलबुल हूँ कि जब मैं ने क़फ़स को छोड़ा
रुख़ फिर उस सम्त न मैं ने दम-ए-परवाज़ किया
काम दुश्वार था उस शोख़ की उल्फ़त का 'जलील'
तू ने इस को मगर ऐ ‘आशिक़-ए-जाँ-बाज़ किया
aaj yuuñ nāla-e-ġham 'ishq ne āġhāz kiyā
husn ko bhī hama-tan gosh-bar-āvāz kiyā
tū ne ye turfa sitam ai nigah-e-nāz kiyā
dil meñ ik soz thā pahle use ab saaz kiyā
dil ne āġhāz jo ik naġhma-e-be-sāz kiyā
sāz-e-nairangī-e-fitrat ko ham-āvāz kiyā
ḳhāna-e-dil meñ vo aa.e to ye e'jāz kiyā
jism-e-be-rūh ko sarmast-o-sar-afrāz kiyā
tū ne ye kaam 'ajab ai nigah-e-nāz kiyā
tā.ir-e-hosh ko āmāda-e-parvāz kiyā
hai vahī mere liye hāsil-e-yak-'umr-e-vafā
tum ne jo jurm-e-mohabbat nazar-andāz kiyā
dil ne us nīm-nigāhī kā ishāra pā kar
ruuh ko ġharq-e-nigāh-e-ġhalat-andāz kiyā
dast-e-qudrat ne vahī apnī nikālī miqrāz
gulshan-e-dahr meñ jis gul ne zarā naaz kiyā
maiñ vo bulbul huuñ ki jab maiñ ne qafas ko chhoḌā
ruḳh phir us samt na maiñ ne dam-e-parvāz kiyā
kaam dushvār thā us shoḳh kī ulfat kā 'jalīl'
tū ne is ko magar ai ‘āshiq-e-jāñ-bāz kiyā
آج یوں نالۂ غم عشق نے آغاز کیا
حسن کو بھی ہمہ تن گوش بر آواز کیا
تو نے یہ طرفہ ستم اے نگہ ناز کیا
دل میں اک سوز تھا پہلے اسے اب ساز کیا
دل نے آغاز جو اک نغمۂ بے ساز کیا
ساز نیرنگیٔ فطرت کو ہم آواز کیا
خانۂ دل میں وہ آئے تو یہ اعجاز کیا
جسم بے روح کو سرمست و سرافراز کیا
تو نے یہ کام عجب اے نگہ ناز کیا
طائر ہوش کو آمادۂ پرواز کیا
ہے وہی میرے لیے حاصل یک عمر وفا
تم نے جو جرم محبت نظر انداز کیا
دل نے اس نیم نگاہی کا اشارہ پا کر
روح کو غرق نگاہ غلط انداز کیا
دست قدرت نے وہی اپنی نکالی مقراض
گلشن دہر میں جس گل نے ذرا ناز کیا
میں وہ بلبل ہوں کہ جب میں نے قفس کو چھوڑا
رخ پھر اس سمت نہ میں نے دم پرواز کیا
کام دشوار تھا اس شوخ کی الفت کا جلیلؔ
تو نے اس کو مگر اے عاشق جاں باز کیا